«Joba tap, jol kórset keleshek qamy úshin» deıdi Shákárim qajy. Elordada júzege asyrylyp jatqan JOLTAP jobasy da turǵyndarǵa eńbek naryǵynda suranysqa ıe mamandyqtardy meńgerýge, tabysyn arttyrýǵa jáne óz kásibin damytýǵa jol ashyp keledi. Joba qatysýshysy Naýryzbek Ýtın oqýdyń kásibı ósimine jáne jeke isine qalaı yqpal etkenin aıtyp berdi, dep habarlaıdy Egemen.kz.
Naýryzbek JOLTAP jobasy jóninde jubaıy arqyly bilgen. Al jary bul múmkindik týraly TikTok jelisindegi jarnama arqyly kórgen eken. Aqparat qyzyqtyrǵan soń, ekeýi arnaıy baryp, oqý sharttarymen tanysýdy uıǵarǵan.
«JOLTAP» – eńbekke jol ashqan múmkindik
Qatysýshynyń aıtýynsha, sabaqtar túsinikti ári júıeli túrde uıymdastyrylǵan.
«Maǵan báriniń kezeń-kezeńimen, standart boıynsha ótetini unady. Túsindirýi de jeńil, qadamdap úıretedi. Bul alǵan bilimdi is júzinde qoldaný úshin óte mańyzdy», deıdi Naýryzbek.
«JOLTAP» áleýmettik jobasy: 1 000-nan astam azamat jumysqa ornalastyryldy
Ol birneshe jyldan beri alıýmınıı tereze, vıtraj, esik pen qalqa jasaýmen aınalysyp keledi. JOLTAP jobasy aıasyndaǵy oqý barysynda burynǵy tájirıbesin júıelep, jańa daǵdylardy meńgerýge múmkindik alǵan.
JOLTAP jobasynyń arqasynda astanalyq turǵyn polıgrafııa qyzmetin jarnamalap, jańa tapsyrystar tartýdy úırendi
Tehnıkalyq bilimmen qatar, zamanaýı tehnologııalar men bıznes júrgizýge qatysty baǵyttar da ony qyzyqtyrǵan.
«Klıentter sanyn kóbeıtý jáne ózimdi damytý úshin jasandy ıntellekt pen satylym boıynsha bilim alǵym keldi. Qazir satylym kýrsyn oqyp jatyrmyn jáne alǵan bilimimdi bıznesimde qoldanyp júrmin», dep bólisti ol.
Naýryzbek búginde JOLTAP jobasy arqyly alǵan bilimi naqty nátıje berip jatqanyn aıtady. Sondaı-aq ol kásibı damýǵa jáne alǵa umtylýǵa múmkindik jasaǵan joba uıymdastyrýshylaryna alǵysyn bildirdi.