Elordada Esil ózenindegi ekojúıeni qorǵaý jáne bıoalýandyqty saqtaý maqsatynda josparly jumystar atqarylyp jatyr. Is-sharalardy Esil − Astana keme qatynasy kompanııasynyń mamandary júrgizýde, dep jazady Egemen.kz.
Mamandar sý aıdynyndaǵy otteginiń turaqty deńgeıin saqtaý úshin aerasııa jumystaryn qolǵa alǵan. Bul ádis sýdy ottegimen qanyqtyryp, muz astynda jınalatyn zııandy gazdardy shyǵarýǵa múmkindik beredi. Kóktem mezgilinde mundaı sharalar ózendegi tabıǵı ekologııalyq tepe-teńdiktiń qalpyna kelýine jáne paıdaly bıologııalyq úderisterdiń jandanýyna yqpal etedi. Jumystardy oryndaý barysynda muz oıǵyshtar, motopompalar jáne armatýralanǵan shlangiler paıdalanylyp jatyr.
Sý resýrstary salasy jyl sońyna deıin sıfrlanady
Sonymen qatar mamandar qamysty oryp, ony arnaıy oıyqtarǵa ornatý jumystaryn da júzege asyrǵan. Bul da sýǵa qosymsha otteginiń túsýine jaǵdaı jasaıdy.
Aerasııa jáne ekologııalyq jumystar ózenniń birneshe ýchaskesinde aıaqtaldy. Atap aıtqanda, «Arqar» kópirinen «Maral» kópirine deıin, «Qaraótkel» kópirinen «Atyraý» jaıaý júrginshiler kópirine deıin, «Serýen» jaıaý júrginshiler kópirinen «Tulpar» kópirine deıin jáne «Tulpar» kópirinen gaz apparatýrasy ornalasqan aýdanǵa deıingi aralyqtar qamtyldy. Jalpy sany 888 oıyq jasaldy.
Bıyl Esil ózeninde kontrrettegish salynady
Mundaı jumystar Astana qalasyndaǵy Esil ózeni ekojúıesin saqtaýǵa jáne sý aıdynynyń bıologııalyq turaqtylyǵyn qamtamasyz etýge baǵyttalǵan.