Jambyl oblysynda jaıylymdaǵy jylqyny atyp ketken kúdiktiler ustaldy. Bul týraly oblystyq polısııa departamentiniń baspasóz qyzmeti habarlady, dep jazady Egemen.kz.
Mamandar keltirgen derekke júginsek, Talas aýdanynyń turǵyny jaıylymdaǵy jylqylaryn tekserý kezinde is-áreketteri kúdik týdyrǵan «Volkswagen Passat» markaly avtokóligindegi adamdardy baıqap, ýchaskelik polısııa qyzmetkerine habar bergen.
Polısııa qyzmetkerlerimen jedel sharalar qabyldanyp, avtokólik Úsharal aýyly mańynda toqtatylǵan. Tekserý barysynda kóliktiń júk salǵyshy men salonynan bir bas jylqynyń bólshektelgen eti, sondaı-aq mal soıýǵa arnalǵan quraldar men ańshy myltyǵy tabylyp, tárkilengen.
Qyzylordada mal urlap, soıyp jatqandar ustaldy
Kúdiktiler jaıylymda jylqyny atyp alyp, sol jerde soıǵany belgili boldy. Atalǵan derekke qatysty QR Qylmystyq kodeksiniń 24-babynyń 3-bóligi - 188-1 baby 2-bóliginiń 1) tarmaǵymen (adamdar toby bolyp, mal urlaýǵa oqtalý) sotqa deıingi tergep-tekserý bastaldy.
«Sergek» kamerasyna oq atqan jambyldyq azamat jazalandy
Kúdiktiler 49 jáne 65 jastaǵy eki er adam kinásin moıyndap, ýaqytsha ustaý ızolıatoryna qamaldy. Kólik arnaıy aıyp turaǵyna qoıyldy. Tergeý amaldary jalǵasyp jatyr.
Mal urlaǵan top ustaldy