Atyraý oblysynda sportqa beıim oqýshylar kóp. Solardyń qatarynda 2011–2012 jylǵy jasóspirim qyzdardan quralǵan voleıbol komandasy da bar. Jas oıynshylardy jattyqtyrýshy Anastasııa Sherbakova baptap júr.
Komanda respýblıkalyq saıystarǵa byltyrdan beri qatysa bastady. Aldymen Jańaózen qalasynda ótken elimizdiń jazǵy chempıonatynda baq synasyp, besinshi oryndy qanaǵat tutty. Sodan soń О́skemendegi kúzgi chempıonatta júldeli úshinshi orynǵa kóterildi. Jaqynda Taldyqorǵan qalasynda aıaqtalǵan qysqy chempıonatta qarsylastarynyń bárin utyp, birinshi orynǵa ıe boldy.
«Jeńiske birden qol jetkizý múmkin emes. Jarysqa daıyndyq barysynda oıynshylardyń sheberligin jetildirýdi jan-jaqty oılastyrdyq. Voleıbolshylardyń psıhologııalyq turǵydan tózimdiligin nyǵaıttyq. Komandanyń uıymshyldyǵy, bir-birin qoldaýy men jeńiske degen umtylysy nátıjege tikeleı áser etti», deıdi A.Sherbakova.
Oıynshynyń biri – Ámına Rınatqyzy. Sportpen shuǵyldanýdy Mahambet aýdanynda bastaǵan. Voleıbol federasııasy ony Atyraýǵa shaqyryp, jatyn orynmen qamtamasyz etipti. Al Dıana Rapaǵatovany voleıbolǵa ápkesi 2017 jyly ertip ákelgen. Sodan beri osy sportty serik etip keledi. Qazir – komanda kapıtany.
«Biz bapkerlerdiń keńesin qalt jibermeýge tyrystyq. Taktıkalyq tapsyrmany múltiksiz oryndaýǵa jumyldyq. Daıyndyq kezinde komandanyń birligine kóńil bóldik. Bul – bizdiń alǵashqy jetistigimiz. Aldaǵy ýaqytta budan da zor jeńiske qol jetkizýdi oılastyryp júrmiz», deıdi D.Rapaǵatova.
Atyraý oblysy