Tarıhshylar men arheologter Uly Gıza pıramıdasyn perǵaýyn Hýfýdyń ózi jobalamaǵanyn anyqtady.
Dástúrli túrde qurylys perǵaýyn Hýfýdyń atymen baılanystyrylǵanymen, arheologııalyq derekter naqty basqarý isin onyń jıeni Hemıýn atqarǵanyn kórsetip otyr. Pıramıdanyń batys jaǵyndaǵy qorymdardy zertteý barysynda arheologter erekshe iri mastabany – Hemıýnnyń tikburyshty qabirin tapty. Qabir ishinen sol dáýirde sırek kezdesetin realıstik stılde jasalǵan músin men onyń joǵary mártebesin dáleldeıtin jazbalar tabyldy. Onda Hemıýnnyń patshanyń barlyq qurylys jobasynyń baqylaýshysy bolǵany jazylǵan. Zertteýshilerdiń sózinshe, bul ataq onyń uly pıramıdanyń qurylysyn tolyq úılestirgenin bildiredi.