Áskerı qyzmetshiler arasynda kólik júrgizý mádenıetin arttyrý jáne áskerı kólik quraldaryn apatsyz paıdalaný maqsatynda Shymkent garnızonynda profılaktıkalyq sabaqtar uıymdastyryldy. Is-shara barysynda áskerı tehnıka júrgizýshilerine ótken jylǵy jol-kólik oqıǵalarynyń statıstıkasy usynylyp, áskerı kólikterdi paıdalaný kezindegi negizgi qater men jıi kezdesetin qatelikter jan-jaqty túsindirildi, dep habarlaıdy Egemen.kz.
Sonymen qatar áskerı avtomobılderge maýsymdyq tehnıkalyq qyzmet kórsetý tártibi, ártúrli jol tósemelerinde kólik júrgizýdiń erekshelikteri men qaýipsizdik talaptaryn qatań saqtaý máseleleri keńinen qamtyldy.
«Joǵarǵy basshylyqtyń tapsyrmasyna sáıkes, kólik quralyn qaýipsiz aıdaýdyń túsindirme jumystary júrgizildi. Ol dene jaraqaty men oqys oqıǵalardyń aldyn alý úshin qajet. Is-sharaǵa Shymkent garnızony áskerı polısııa bólimi áskerı avtomobıldik polısııa bólimshesiniń qyzmetkerleri men 35748 áskerı bóliminiń júrgizýshileri qatysty. Bul profılaktıkalyq sabaqtar aldaǵy ýaqytta qaýipsizdik sharalarynyń qatań saqtalýyna oń yqpalyn tıgizedi degen senimdemiz», dedi áskerı avtomobıldik polısııa bólimshesiniń ofıseri, leıtenant Berikqalı Qojaıbaev.
Qostanaıda tártip saqshylary balalarǵa jol qaýipsizdigin úıretti
Aldyn alý sharalary aıasynda avtokólikterdiń tehnıkalyq jaǵdaıy, jaryq berý quraldarynyń, áınek súrtkishterdiń jumys isteýi, jazǵy dóńgelekterdiń talapqa sáıkestigi, órt sóndirgishter men medısınalyq dári qobdıshalarynyń jaramdylyǵy, sondaı-aq kólik qujattarynyń tolyqtyǵy boıynsha da sabaqtar ótti.
Kólik apatynan bolatyn adam ólimi 9,4%-ǵa azaıdy: Prezıdent jol qaýipsizdigi sharalarynyń nátıjesi týraly
Qorǵanys salasyndaǵy jaýapty mamandardyń aıtýynsha atalǵan dárister áskerı tehnıka qaýipsizdigin qamtamasyz etýge jáne jol-kólik oqıǵalarynyń aldyn alýǵa baǵyttalǵan mańyzdy qadam bolady.
Elimizde jol qaýipsizdigine baqylaý kúsheıtildi