El azamattary úshin Eýropalyq odaqtyń vızalyq rejımin jeńildetý máselesi kún tártibinen túsken joq. Bul baǵyttaǵy kelissózderdiń qazirgi barysyn Syrtqy ister mınıstriniń orynbasary Álibek Baqaev Senat otyrysynda málimdedi, dep jazady Egemen.kz.
Onyń aıtýynsha, kelissózder 2025 jylǵy 2 jeltoqsanda Eýropalyq odaq shtab-páteri ornalasqan Brıýssel qalasynda resmı túrde bastalǵan. Aqpan aıynda taraptar talqylaýdyń ekinshi kezeńine ótpek. Vıse-mınıstr kelissóz jumysy eki baǵytqa bólingenin naqtylady.
«Eýroodaqpen júrgizip otyrǵan jumysymyz eki topqa, eki kezeńge bólinedi. Birinshi top readmıssııa týraly kelisimmen, (ıaǵnı memleketterdiń bir-birimen jasaıtyn ýaǵdasymen – red.) aınalysady, al ekinshi top vızalyq rejımdi jeńildetý jónindegi qujatty pysyqtap jatyr», dedi Álibek Baqaev Senattaǵy jıynda.
AQSh ımmıgrasııalyq vızalar berýdi ýaqytsha toqtatty: Qazaqstan tizimge endi
Vıse-mınıstrdiń sózinshe, búgin Senat ratıfıkasııalaǵan Qazaqstan men Fransııa úkimetteri arasyndaǵy readmıssııa týraly kelisim vızalyq rejımdi jeńildetý úderisin jedeldetýge yqpal etedi. Atalǵan qujat zańsyz kóshi-qonǵa qarsy is-qımyldy kúsheıtip, kirý, bolý nemese turý talaptaryn buzǵan azamattardy qaıtarýdyń naqty quqyqtyq tetigin aıqyndaıdy.
Astanada turǵyndardy vıza jasap beremin dep aldaǵan alaıaq ustaldy
Syrtqy ister mınıstrliginiń paıymdaýynsha, readmıssııa salasyndaǵy quqyqtyq negizdiń qalyptasýy Eýroodaqpen vızalyq dıalogta Qazaqstannyń ustanymyn nyǵaıtyp, kelissózderdiń alǵa jyljýyna múmkindik beredi.
Qazaqstan azamattary 79 elge vızasyz kire alady