Mańǵystaý oblysynyń Munaıly aýdanynda úsh avtokóliktiń qatysýymen jol-kólik oqıǵasy boldy, dep habarlaıdy Egemen.kz.
Lada.kz-tiń jazýynsha, jol apaty 22 qańtarda Munaıly aýdanynyń Basqudyq aýylynda tirkelgen. Atap aıtqanda, Daewoo Gentra, «GAZ-33021» jáne Toyota Camry kólikteri soqtyǵysqan. Apat saldarynan bir adam jaraqat alyp, aýrýhanaǵa jetkizildi.
Atyraýda bir jylda jol apatynan 96 adam qaıtys bolǵan
«Jol qozǵalysy erejelerin buzǵany úshin júrgizýshilerge qatysty ákimshilik hattamalar toltyryldy. Qazirgi ýaqytta jol apatynyń barlyq mán-jaıy anyqtalyp jatyr», delingen habarlamada.
Aıta ketsek, 16 qańtarda respýblıkalyq mańyzy bar Aqtaý – Beıneý avtojolynda jol-kólik oqıǵasy bolyp, adam shyǵyny tirkeldi. Birqatar azamat túrli deńgeıdegi jaraqattar aldy.