Qazaly aýdanynyń Áıteke bı kentinde temirjol arqyly ótetin aspaly kópir ashyldy. Soǵan oraı uıymdastyrylǵan saltanatty jıynda oblys ákimi Nurlybek Nálibaev jınalǵan jurtshylyqty quttyqtap, jol ınfraqurylymyn damytýdaǵy aýqymdy jumystardy atap ótti, dep jazady Egemen.kz.
Kólik-tranzıt salasyn damytý baǵytynda oblysta 2022-2025 jyldary 1 600 shaqyrym avtomobıl joldary men kóshelerdi, 30 kópir ótkelin salýǵa, kúrdeli jóndeýge 150 mlrd teńgege jýyq qarjy bólindi. О́tken jyldyń ózinde jol ınfraqurylymyn damytýǵa bıýdjetten 50 mlrd 605 mln teńge qaralyp, 329 shaqyrym avtomobıl joldary, kósheler men kópir ótkelderi jóndeýden ótip jatyr.
Qazaly temirjol vokzalyndaǵy aspaly kópir 1,3 mlrd teńgege salynǵan. Jaıaý júrginshilerge arnalǵan kópirdi Áıteke bı kentiniń arǵy betinde turatyn 13 myńnan astam turǵyn qoldanady. Bul ótkel arqyly 2 myńnan astam adam kúndelikti árli-berli qatynaıdy.
Jıynda kópirdi salǵan merdiger «QazTemirjol Engineering» JShS ókilderi men temirjolda qyzmet etetin mamandar marapattaldy.
Qyzylorda oblysy
«Oblys jaǵdaıy kúmánsiz jaqsy»: Prezıdent Qyzylorda oblysy ákimine joǵary baǵa berdi