Ilon Mask Davosta ótken Dúnıejúzilik ekonomıkalyq forýmda adamzattyń bolashaǵy, tehnologııalar men jasandy ıntellektiniń róli týraly kózqarasyn aıtty, dep habarlaıdy Egemen.kz.
Forýmda Mask adamzat úshin ǵaryshty ıgerýdiń mańyzyn atap ótti.
«Meniń maqsatym – órkenıettiń bolashaǵyn barynsha qolaıly etý. Meniń sanamda bir beıne bar: sheksiz qarańǵylyqtaǵy kishkentaı sham. Bul – kez kelgen sátte sónip qalýy múmkin sananyń álsiz jaryǵy. Jerde tabıǵı nemese adam qolymen jasalǵan apat bolsa da, sana óz tirshiligin jalǵastyrýy tıis. SpaceX-tiń máni de osynda», dedi Ilon Mask.
Ilon Masktyń baılyǵy rekordtyq deńgeıge jetti
Sóziniń ekinshi bóliminde Mask jasandy ıntellekt pen robototehnıkaǵa toqtalyp, aldaǵy onjyldyqta tehnologııalar adamdardyń kúndelikti ómirin qalaı ózgertetinin sıpattady.
«Meniń boljamymsha bolashaqta álemdegi árbir adamnyń óz roboty bolady. Eger tehnologııa qaýipsiz bolsa, olar robottyń balalaryn baqylaǵanyn, úı janýarlaryna qaraǵanyn, qart ata-analaryna kómekteskenin qalar edi. Árıne, munyń bári táýekelsiz emes. Jasandy ıntellekt pen robototehnıkany damytýda barynsha saq bolýymyz kerek. Biz bir kúni Djeıms Kemeronnyń fılminiń ishinde oıanǵymyz kelmeıdi. Onyń fılmderi keremet, men olardy jaqsy kóremin. Biraq «Termınator» áleminde ómir súrgimiz kelmeıtini anyq», dedi Mask.
Ilon Mask 600 mlrd dollary bar jer betindegi alǵashqy adam atandy