Saqyldaǵan sary aıaz tozyǵy jetken sý qubyrlaryn shydatar emes. Osydan on kún burynǵy qaqaǵan sýyqta Baımaǵametov kóshesindegi qubyr jelisi jarylyp, turǵyndar bir jarym táýlik boıy sýsyz qalyp edi. Keshegi úskirik aıazda taǵy bir qubyr jarylyp, 6 kóppáterli úı, 11 jeke turǵyn úı, 4 komersııalyq nysan sýsyz qaldy, dep habarlaıdy Egemen.kz.
Búgin aýa temperatýrasy -31 gradýsty kórsetip tur.
Qostanaıda jyl basynan beri 20 adamdy úsik shalǵan
Qala ákimdiginiń málimetinshe, Rabochıı, Borodın kósheleriniń qılysynda jatqan dıametri 300 mm qubyr ábden tozyp ketken.
«22 qańtarda saǵat 20:45-te QJEK, «Qostanaı-Sý» MKK dıspetcherinen ótinim tústi, ýchaskeni tekserý úshin jedel áreket etý ornyna dereý brıgada shyqty. Qubyr qalpyna keltirilip, jol boıy muzdan tazartyldy. Apat saldary búgin saǵat 20:00-ge deıin tolyq joıylady. Turǵyndar syrttan ákelingen aýyz sýmen qamtamasyz etilip jatyr», dep habarlady qalalyq ákimdiktiń baspasóz qyzmeti.
Qostanaı oblysynda 44 jolaýshy jylý pýnktine jetkizildi