Mańǵystaý oblysynyń ákimi Nurdáýlet Qılybaı «OzenMunaiProm» JShS men Medal Group kompanııasynyń ókilderimen kezdesý ótkizdi, dep habarlaıdy Egemen.kz.
Kezdesý barysynda ınvestorlar Jańaózen qalasynda gazporshendi elektr stansııasyn jańǵyrtý jáne keńeıtý jobasy, qalanyń energetıkalyq qaýipsizdigin arttyrýǵa, óndiristik ınfraqurylymdy jetildirý, jańa jumys oryndaryn qurýdy kózdeıtin jobalaryn tanystyrdy.
Kompanııa ókilderi usynylǵan jobalardyń óńir ekonomıkasyna yqpaly, zamanaýı tehnologııalardy qoldaný jáne ekologııalyq qaýipsizdik talaptaryn saqtaý jóninde málimet berdi.
Sońǵy úsh jylda Mańǵystaý oblysyna 3 trln teńgege jýyq ınvestısııa tartylǵan
О́ńir basshysy energetıka men óndiris salalarynyń strategııalyq mańyzyn atap ótip, oblys ákimdigi óńir damýyna oń áser etetin bastamalardy zań aıasynda qoldaýǵa daıyn ekenin jetkizdi.
Kezdesý qorytyndysynda taraptar jobalardy tıisti memlekettik organdarmen birlesip pysyqtap, ózara yntymaqtastyqty jalǵastyrýǵa ýaǵdalasty.
Mańǵystaý oblysy 2025 jyldy oń nátıjemen qorytyndylady