Konstıtýsııalyq reforma aıasynda Ata Zańnyń preambýlasyn jańǵyrtý, onyń mazmunyn zaman talabyna saı qaıta ózektendirý máselesin Parlament Májilisiniń depýtaty Únzıla Shapaq kóterdi. Bul usynysyn ol Konstıtýsııalyq komıssııanyń otyrysynda bildirip, óz oıyn aıtty, dep habarlaıdy Egemen.kz.
Depýtattyń pikirinshe, Konstıtýsııa preambýlasyn jańartý tek redaksııalyq túzetý emes. Mundaı ózgeris – ulttyq memlekettilikti nyǵaıtatyn, eldiń ıdeıalyq baǵdaryn aıqyndaıtyn mańyzdy qadam.
– Memleket basshysy da preambýlada ulttyq qundylyqtardy negizge alý qajettigin naqty atap ótti. Qazaq dalasynan bastaý alatyn órkenıet pen memlekettilik dástúriniń sabaqtastyǵyn aıqyn kórsetý, Qazaqstannyń Uly daladaǵy tarıhı memleketterdiń murageri ekenin naqty beıneleý mańyzdy ekenine erekshe mán berdi. Sondyqtan Konstıtýsııalyq reforma aıasynda kelip túsken barlyq usynystarǵa ústirt emes, baıyppen, tereń kózqaraspen qaraý – ortaq mindetimiz, – dedi Komıssııa múshesi óz sózinde. Erlan Qarın: Quryltaı depýtattaryna qoıylatyn qosymsha talaptar konstıtýsııalyq zańda aıqyndalýy múmkinKonstıtýsııanyń preambýlasy – Negizgi zańnyń ıdeıalyq ári moraldyq irgetasy, sondaı-aq Konstıtýsııany qabyldaýdaǵy túpki maqsattardy aıqyndaıdy, eldiń tarıhı-mádenı bolmysyn, ulttyq kelbetin tanytady. Osy oraıda Únzıla Shapaq ózgeristerge qatysty óz pikiri men oıyn aıtty.
– Endigi biz usynatyn preambýla mátininde birneshe irgeli baǵyt aıqyn kórinis tabýǵa tıis. Eń áýeli, Qazaqstan ózin birtutas ult retinde tanytýy qajet. Bul – ulttyq biregeılikti kúsheıtetin, barsha Qazaqstan azamatyn ortaq maqsat pen jaýapkershilikke uıystyratyn basty ustanym. Preambýlada memlekettiń ýnıtarlyq sıpaty, shekaralardyń myzǵymastyǵy men aýmaqtyq tutastyqty saqtaý máselesine erekshe mán berilýge tıis. Qazirgi geosaıası jaǵdaıda bul qaǵıdattar el egemendigin nyǵaıtatyn sheshýshi faktorlar bolyp sanalady, – dedi depýtat.Sondaı-aq Únzıla Shapaqtyń aıtýynsha, «Ádiletti Qazaqstan» ıdeıasy men onyń ózegi sanalatyn «Zań men tártip» qaǵıdatyn preambýla deńgeıinde bekitý memleket pen qoǵam damýynyń jańa fılosofııasyn aıqyndaıdy.
Erjan Jıenbaev Vıse-prezıdenttiń ókilettigine qatysty konstıtýsııalyq ózgeristerge toqtaldy
– Búgin biz Konstıtýsııa týraly aıtqanda tek bılik pen quqyqtyq normalardy ǵana emes, ulttyń bolashaq aldyndaǵy jaýapkershiligin de oılaýymyz kerek. Sondyqtan tabıǵatty aıalaý, ekologııamyzdy saqtaý ıdeıasy Konstıtýsııada qoǵam men memlekettiń ortaq qundylyǵy retinde kórinis tabýǵa tıis. Mádenıet, Ádiletti Qazaqstannyń Konstıtýsııalyq negizi memlekettilik – tek zańdar men ınstıtýttar arqyly ǵana emes, ulttyq rýh pen mádenıet arqyly ornyǵady. Sondyqtan mádenıettiń jáne rýhanı qundylyqtardyń róli Konstıtýsııada aıqyn kórinis tabýǵa tıis. Dál osy mádenı negiz halyqty birtutas ultqa aınaldyryp, qoǵamdyq birlikti nyǵaıtady. Mádenıetti Konstıtýsııalyq deńgeıde bekitý arqyly biz Ádiletti Qazaqstannyń tek quqyqtyq emes, órkenıetti memleket ekenin naqtylaımyz. Sonymen birge mádenıet pen ónerge, ǵylym men bilimge, ınnovasııaǵa, tabıǵatty aıalaýǵa, búgingi jáne keler urpaq aldyndaǵy jaýapkershilikke mán berilýi Konstıtýsııany tek quqyqtyq emes, órkenıettik qujat deńgeıine kóteredi. Bul – memleket pen halyq arasyndaǵy jarııa qoǵamdyq kelisimniń aıqyn kórinisi, – dedi ol.