Eldegi qaqtyǵystar kezinde bar-joǵy eki kún ishinde qurbandar sany 30 myńǵa jetken bolýy múmkin, dep habarlaıdy Egemen.kz.
Time jýrnalynyń zertteýine sáıkes, 8-9 qańtar kúnderi Iranda 30 myńǵa deıin adam qaza tapty. Mundaı málimetti basylymǵa Iran Densaýlyq saqtaý mınıstrliginiń eki qyzmetkeri bergen. Olardyń aıtýynsha, memlekettik organdar máıitterdi tasymaldap úlgere almaı jatqan kórinedi. Qaza tapqandardy tasý úshin jedel járdem kólikterinen bólek, ózge de tehnıkalar jumyldyrylǵan.
Iran tóńiregindegi qaýip munaı baǵasyn qaıta qymbattatty
Iran bıliginiń resmı derekteri budan edáýir tómen. 21 qańtarda el basshylyǵy 3 117 adamnyń qaza tapqanyn moıyndady. AQSh-ta ornalasqan Human Rights Activists News Agency agenttigi 5 459 ólimdi rastaǵan. Al taǵy 17 myńnan astam jaǵdaı áli de tekserý satysynda tur.
Irandaǵy qaqtyǵys: Qaza tapqandar sany 5 myńnan asty
Sonymen birge Time jazǵan 30 myń adamǵa qatysty baǵalaý Iran dárigerleri men qutqarýshylary daıyndaǵan ishki statıstıkamen sáıkes keledi.