Búgin Májilis 2024 jyldyń 12 qarashasynda Baký qalasynda qol qoıylǵan Qazaqstan jáne Qytaı arasyndaǵy jańartylatyn energııa kózderi (JEK) salasyndaǵy jobalardy iske asyrý týraly kelisimdi ratıfıkasııalady, dep jazady Egemen.kz.
Qujat aıasynda taraptar jahandyq jylynýmen kúresý maqsatynda Qazaqstan aýmaǵynda jańartylatyn energııa kózderi men turaqty damý salasyndaǵy jobalardy ilgeriletý, ázirleý jáne júzege asyrý barysynda kúsh biriktiredi. Kelisimge sáıkes jıyntyq qýaty 1,5 GVt bolatyn úsh jel elektr jáne qýaty 0,3 GVt bolatyn bir kún elektr stansasy salynady. Jobalar Qaraǵandy, Túrkistan jáne Pavlodar oblystarynda iske asyrylady.
Ońtústikte jeke kún elektr stansasynyń sany 3,5 ese ósti
Nátıjesinde 100-den astam turaqty jáne shamamen 1500 ýaqytsha jumys orny ashylyp, 2 mlrd AQSh dollarynan astam ınvestısııa tartylady. Sondaı-aq jyl saıyn 5,7 mlrd kVt/saǵattan astam «jasyl» elektr energııasy óndiriledi. Qazaqstan tarapynan birlesken ınvestor retinde «Samuryq-Energo» aksıonerlik qoǵamy qatysady.
Jambyl oblysynda bý-gaz elektr stansasy salynyp jatyr
Atalǵan jobalardy júzege asyrý jańartylatyn energııa kózderiniń úlesi boıynsha ındıkatıvtik kórsetkishterdi (onyń ishinde 2030 jylǵa qaraı 15%-ǵa jetý maqsaty) oryndaýdy qamtamasyz etip, ulttyq strategııalyq qujattarda bekitilgen elimizdiń kómirtekti beıtaraptyq maqsatyna qol jetkizýge eleýli úles qosady.