Konstıtýsııalyq komıssııanyń tórtinshi otyrysynda Konstıtýsııalyq sot tóraǵasynyń orynbasary Baqyt Nurmuhanov jeke basqa qol suqpaýshylyq, negizgi quqyqtardy qorǵaý jáne sot bıliginiń táýelsizdigine qatysty normalar aıtarlyqtaı kúsheıtiletinin aıtty, dep habarlaıdy Egemen.kz.
Baqyt Nurmuhanov usynylǵan ózgeristerdiń basty tustaryna erekshe toqtalyp, «Negizgi quqyqtar, bostandyqtar men mindetter» atty bólimniń jańa ataýy qarastyrylǵan máselelerdi tolyq qamtıtyn atap ótti.
Konstıtýsııanyń preambýlasy tolyq jańartylady
Bul rette usynylǵan novellalar adamnyń eń joǵary qundylyq ekeni týraly qaǵıdatqa súıene otyryp, quqyqtar men bostandyqtardy iske asyrý jáne qorǵaý kepildikterin kúsheıtedi.
«Bul ómir súrý quqyǵyn absolıýttik dárejege kóterý, adamǵa baǵdarlanǵan saıasat, adamnyń jeke basyna qol suǵylmaýshylyq pen «Mıranda erejesiniń», sıfrlyq dáýirde jeke málimetterdi qorǵaý, ar-namys pen qadir-qasıetti qorǵaýdy kúsheıtý, áleýmettik quqyqtar men quqyqtyq anyqtyq qaǵıdattaryn bekitý degen sóz», dedi Baqyt Nurmuhanov.
Ol qazirgi ýaqytta Konstıtýsııanyń 7-bólimindegi sot ádildigi qaǵıdaty retinde qarastyrylyp otyrǵan keıbir normalardyń adam quqyqtaryn qorǵaý kepildigi retinde osy bólimge kóshirilip, jeke bapqa biriktiriletinin aıtty.
«Sóz bostandyǵy men shyǵarmashylyq erkindik quqyǵyna jańa mán-maǵyna berilip, demokratııalyq jáne quqyqtyq memlekette jeke tulǵanyń erkin damýynyń mańyzdy sharty sanalatyn zııatkerlik menshikti qorǵaý kepildikteriniń bólek túrleri belgilendi», dep atap ótti Konstıtýsııalyq sot tóraǵasynyń orynbasary.
Konstıtýsııalyq reforma: Ata zań mátininiń 84%-y ózgeredi
Onyń aıtýynsha, Konstıtýsııada neke men otbasy qundylyqtaryn, sondaı-aq qorshaǵan ortany qorǵaý mindettemeleri kúsheıtiledi.
«Aty ózgergen «Sot júıesi. Prokýratýra. Quqyq qorǵaý tetikteri» bóliminde aıtarlyqtaı ózgerister kózdelgen. Oǵan sot isin júrgizý nysandaryn keńeıtýge, ádilettilik pen sot táýelsizdiginiń konstıtýsııalyq qaǵıdattaryn nyǵaıtýǵa, sondaı-aq sot júıesindegi kadr máselelerine qatysty sot máseleleri boıynsha mańyzdy túzetýler kiredi», dedi ol.
Sondaı-aq, ol Konstıtýsııalyq komıssııa músheleriniń nazaryn advokatýranyń quqyqtyq mártebesin bekitetin jeke baptyń qarastyrylǵanyna aýdardy.Sonymen qatar, Konstıtýsııalyq komıssııanyń múshesi Quryltaıdyń qurylýyna baılanysty «Jergilikti memlekettik basqarý jáne ózin-ózi basqarý» bólimine naqty túzetýler engizý qajet bolǵanyna da toqtaldy.Sóz sońynda Baqyt Nurmuhanov «Konstıtýsııaǵa ózgerister men tolyqtyrýlar engizý» dep atalatyn jańa bólim Ata zańnyń mátinin eń úzdik halyqaralyq tájirıbege sáıkes jańartýǵa múmkindik beretinin atap ótti.