Elimizde energetıkalyq ınfraqurylymdy jańǵyrtýǵa baǵyttalǵan jumystar aldaǵy jyly da jalǵasyn tabady. Memleket basshysynyń tapsyrmasyna sáıkes 2026 jyly 9 energoblok, 55 qazandyq jáne 51 týrbına jóndeýden ótkiziledi. Bul sharalar óńirlerdi jylý jáne elektr energııasymen turaqty qamtamasyz etýge negiz qalamaq, dep jazady Egemen.kz
Energetıka mınıstrligi málim etkendeı, josparly ári keshendi jóndeý jumystary energııa nysandarynyń tehnıkalyq áleýetin arttyryp, apat qaýpin azaıtýǵa múmkindik beredi. Sonyń nátıjesinde jylý elektr ortalyqtarynyń tozý deńgeıi 61 paıyzdan 59 paıyzǵa deıin tómendeıdi. Sonymen birge stansalardy joǵary qaýip aımaǵynan kezeń-kezeńimen shyǵarý kózdelgen.
Qazaqstanda tórt «jasyl» elektr stansasy salynady
Aıta keteıik, energetıka salasyn jańǵyrtýǵa arnalǵan Ulttyq joba ekinshi jyl qatarynan iske asyp jatyr. Bes jylǵa josparlanǵan bul baǵdarlama ınjenerlik ınfraqurylymdy keń aýqymda jańartýdy maqsat etedi. Joba aıasynda el boıynsha 1,6 myń shaqyrym jylý jelisi jáne 78 myń shaqyrym elektr jelisi qaıta jańǵyrtylady.
Atom energetıkasyn qaýipsiz damytýdyń joldary qandaı?
Mınıstrlik deregine súıensek, atalǵan jumystar 2029 jylǵa qaraı jylý jelileriniń tozýyn 52 paıyzdan 42 paıyzǵa, al elektr jelileriniń eskirýin 74 paıyzdan 45 paıyzǵa deıin azaıtýǵa jol ashady. Bul kórsetkishter energetıkalyq júıeniń senimdiligin edáýir kúsheıtpek.
Depýtat: Strategııalyq mańyzy bar energetıkalyq jobalar is júzinde júzege aspaǵan
Jalpy qolǵa alynǵan jańǵyrtý sharalary ekonomıkanyń jáne halyqtyń ósip kele jatqan suranysyn úzdiksiz qamtamasyz ete alatyn ornyqty otyn-energetıka keshenin qalyptastyrýǵa baǵyttalǵan.