Bir palataly Parlament úlgisi pen memlekettik organdardyń jańartylǵan júıesine arnalǵan erejeler jańa Konstıtýsııa jobasynyń birneshe bólimderine engizildi. Bul jóninde Konstıtýsııalyq komıssııanyń kezekti otyrysyndaǵy sózinde Konstıtýsııalyq Sot Tóraǵasynyń orynbasary Baqyt Nurmuhanov málimdedi, dep jazady Egemen.kz.
Onyń aıtýynsha, bir palataly Parlament modeline arnalǵan normalar tórtinshi «Quryltaı» degen bólimde jınaqtaldy. Onda zań shyǵarý organynyń ókilettikteri bekitildi, sonymen qatar Quryltaıdyń sessııalaryna jáne onyń qyzmetin uıymdastyrýǵa qatysty baptardyń barlyǵy derlik jańartyldy.
Jańa Konstıtýsııada qansha bólim, qansha bap bolady?
«Zań shyǵarý bastamasy quqyǵyna ıe sýbektilerdiń qatary anyqtaldy. Quryltaı zań qabyldaý arqyly retteletin asa mańyzdy qoǵamdyq qatynastardyń tizbesi berildi. Zań jobalaryn qaraý men qabyldaýdyń rásimderi kózdeldi. Quryltaı Tóraǵasynyń laýazymyna qatysty máseleler jeke bapta retteldi», dep Baqyt Nurmuhanov atap ótti.
Konstıtýsııa jobasynyń besinshi bólimi «Úkimetke» arnalyp otyr.
«Bir palataly Quryltaıǵa kóshýge baılanysty kóptegen erejeler naqtylandy. Olar Úkimet pen onyń músheleriniń Quryltaı aldyndaǵy jaýaptylyǵy men esep berý, senimsizdik votýmyn bildirý, Quryltaıǵa zań jobalaryn engizý, respýblıkalyq bıýdjet jáne onyń atqarylýy týraly esep berý máselelerine baılanysty bolyp otyr», dedi ol.
Baqyt Nurmuhanovtyń aıtýynsha, altynshy bólim eki baptan turady jáne Qazaqstan Halyq Keńesine qatysty máselelerdi retteıdi.
Saýalnama: El azamattarynyń 80%-y Konstıtýsııalyq reformany qoldaıdy
«Quramyna el azamattary kiretin bul joǵary konsýltatıvtik organ Qazaqstan halqynyń múddesin bildiredi. Onyń Quryltaıǵa zań jobalaryn engizý, respýblıkalyq referendým taǵaıyndaý týraly usynysqa bastama jasaý jáne basqa da mańyzdy ókilettikteri belgilendi», dep atap ótti.
Jeke, jetinshi bólimde «Konstıtýsııalyq Sotqa» qatysty normalar shoǵyrlandyryldy. Baqyt Nurmuhanov Konstıtýsııalyq Sottyń quramyna, sýdıalardyń ókilettik merzimderine jáne quzyryna qatysty normalar negizinen saqtalǵandyǵyn málimdedi.
Aıda Balaeva: Konstıtýsııalyq reforma – el damýynyń ádildik pen zań ústemdigine negizdelgen jańa modeli
Osy oraıda Konstıtýsııalyq Sottyń konstıtýsııalyq baqylaý júrgizetin jáne búkil el aýmaǵynda Konstıtýsııanyń ústemdigin qamtamasyz etetin táýelsiz memlekettik organ retindegi mıssııasy belgilendi.