El Prezıdenti Qasym-Jomart Toqaev tóraǵalyq etken Úkimettiń keńeıtilgen otyrysynda Premer-mınıstr Oljas Bektenov ınvestısııalyq saıasatty iske asyrý barysy jóninde baıandama jasady. Úkimet basshysynyń aıtýynsha, ınvestısııa tartý qarqyny turaqty ósim kórsetip otyr, dep jazady Egemen.kz.
«Tikeleı sheteldik ınvestısııalar 9 aı ishinde 1,5 mlrd dollarǵa nemese 10,9%-ǵa ósip, 14,9 mlrd dollardy qurady. Bul rette portfeldik ınvestısııalar men nesıelik qarajattardy esepke alǵanda, ekonomıkaǵa tartylǵan sheteldik ınvestısııalardyń kólemi 58 mlrd dollardan asty. Negizgi kapıtalǵa salynǵan ınvestısııalar 13%-ǵa artyp, 22,7 trln teńgeni qurady. Onyń ishinde memlekettik ınvestısııalar 800 mlrd teńgege, 5 trln teńgege deıin, al jekemenshik ınvestısııalar 2,4 trln teńgege, 17,7 trln teńgege deıin ulǵaıdy», dedi Oljas Bektenov.
Elimizde týrızm salasyna tartylǵan ınvestısııa kólemi ósti
Otyrysta Investısııalyq shtabtyń róline de aıryqsha mán berildi. 2025 jyly jalpy quny 115 mlrd dollar bolatyn 212 joba boıynsha problemalyq máseleler sheshimin tapqan. Bul ınvestorlar úshin ákimshilik kedergilerdi azaıtyp, jobalardy ýaqtyly iske asyrýǵa múmkindik berdi.
Premer-mınıstr Prezıdent qoıǵan mindetterge sáıkes ınvestorlardy tartý júıesi jetildirilip jatqanyn atap ótti. Investısııalyq jobalar bastapqy kezeńnen bastap qurylysy tolyq aıaqtalǵanǵa deıin «jasyl dáliz» qaǵıdasy boıynsha súıemeldenedi. Osy baǵytta birqatar ınstıtýsıonaldyq sheshim qabyldandy.
Investısııany arttyrý jónindegi keńes
Prezıdent Jarlyǵymen ınvestısııalyq ombýdsmenniń fýnksııalary Bas prokýrorǵa júktelip, prokýrorlyq qadaǵalaý ınvestorlardyń quqyqtyq qorǵalýyn kúsheıtti. Sonymen qatar Báıterek holdıngi Qazaqstanda mańyzdy jobalardy iske asyrýǵa múddeli ınvestorlardy proaktıvti túrde izdestirýdi qolǵa aldy. Investısııa tartýdyń syrtqy kontýryn nyǵaıtý maqsatynda ınvestısııalyq áleýeti joǵary elderde Kazakh Invest kompanııasynyń sheteldik ókildikterin ashý kózdelip otyr.
Seýlde «Alatau City» jobasy tanystyryldy
Memleket basshysynyń bastamasymen qurylyp jatqan Alataý Sıtı qalasy da ınvestısııa tartýdyń jańa ortalyǵyna aınalmaq. Konstıtýsııalyq zań jobasynda erekshe quqyqtyq rejım engizý, zamanaýı basqarý tetikteri men qala qurylysynyń jańa normalaryn qoldaný qarastyrylǵan. Úkimet bul bastama iri ınvestorlar úshin qolaıly ári boljamdy orta qalyptastyrady dep esepteıdi.