Ulttyq Bank 2025 jyly ekinshi deńgeıli bankter (EDB) men banktik emes jekelegen aıyrbastaý oryndaryna jalpy salmaǵy 889,5 kg 27 807 ólshemdi quıma satty, dep habarlaıdy Egemen.kz.
Ulttyq Banktiń málimetinshe, ólshemdi quımalar kóp satylǵan óńirler: Almaty (20 526 dana, 74%), Astana (1 650 dana, 6%) jáne Shymkent (1 099 dana, 4%).
Halyqqa arnalǵan ólshemdi quımalardy Halyk Bank, Eýrazııalyq bank, Alatau city bank, SentrKredıt Bank arqyly, sondaı-aq banktik emes jekelegen aıyrbastaý oryndarynda satyp alýǵa nemese keri satýǵa bolady.
20 kúnde 4,2 mlrd dollar tabys: Altyn baǵasynyń ósýi el rezervine qalaı áser etti?
Osylaısha, 2025 jyly EDB men banktik emes jekelegen aıyrbastaý oryndary keri satyp alǵandy eskergende, halyqqa jalpy salmaǵy 1,1 t – 40 799 ólshemdi quıma satty. Baǵdarlama iske qosylǵaly satylǵan altyn quımalardyń jalpy sany – 263 479, al olardyń jalpy salmaǵy – 9 t.
Halyq arasynda suranysqa ıe altyn quımanyń salmaǵy – 10 g. Satylǵan kólemnen onyń jalpy úlesi 26% – 67 833 dana. Odan keıingisi 5 gramdyq quıma, satylǵany – 57 847 dana (22%), 100 gramdyq quımadan – 53 289 dana (20%), 20 gramdyqtan – 49 154 dana (19%) jáne 50 gramdyq quımadan – 35 356 dana (13%).
Ulttyq bank shetelge altyn satýdy toqtatty
Árbir altyn quıma qorǵaý elementterimen qaptalǵan (quımanyń aına beti, mıkrotekst jáne bederli jıegi bar) jáne mehanıkalyq zaqymdanýdan qorǵaıtyn arnaıy qorapqa salynyp shyǵady. Sol arqyly quımanyń ashylǵan-ashylmaǵanyn ońaı tekserýge bolady. Qorǵanysh qoraby sapa sertıfıkaty bolyp ta sanalady. Sondyqtan Ulttyq Bank altyn quımany uqypty saqtap, qorabyn búldirmeýge keńes beredi.
Altyn quıma – senimdi ınvestısııa quraly. Altyn quımalar naryǵyndaǵy ótimdiliktiń basty kepili – bank pen banktik emes aıyrbastaý oryndary klıentke aqshany sol kúni tóleı otyryp, altyn quımalardy keri satyp ala alady.
Altyn baǵasy tarıhı bıigine jetti