Dýbaıda álemniń úzdik arnaıy bólimshelerin biriktirgen UAE SWAT CHALLENGE-2026 halyqaralyq týrnıri aıaqtaldy. Bes básekeli kún ishinde álemniń 48 elinen 109 komanda is-árekettiń sheberligin, jyldamdyǵyn, taktıkalyq oılaýyn jáne úılesimdiligin barynsha kórsetti, dep habarlaıdy Egemen.kz.
Qazaqstan quramasyna elimizdiń kúsh qurylymdarynan quralǵan «Kazakhstan A», «Kazakhstan B», «Kazakhstan C», «Kazakhstan D» komandalary jáne «Kazakhstan Tomiris» áıelder komandasy qatysty.
UAE SWAT Challenge: Qazaqstan arnaıy jasaqtary týrnırdiń alǵashqy kúninde top jardy
Jarystyń besinshi kúninde qatysýshylar eń serpindi kezeńderdiń biri – Obstacle Course (kedergiler jolaǵyn) baǵyndyrdy. Osy kezeńniń qorytyndysy boıynsha «Kazakhstan B» komandasy I oryndy ıelendi, al «Kazakhstan A» besinshi orynǵa jaıǵasyp, úzdik bestikke kirdi.
Týrnırdiń basty jańalyǵy «Kazakhstan S» komandasynyń tamasha jeńisi boldy, ol barlyq jarys kúnderiniń qorytyndysynda UAE SWAT CHALLENGE-2026 týrnıriniń jeńimpazy atandy.
Jalpy reıtıngte ekinshi oryndy «Kazakhstan A» komandasy jeńip aldy.
Sonymen qatar qorytyndy kestede otandyq komandalar arasynda pozısııalar kelesideı bólindi:
«Kazakhstan B» – 8 oryn; «Kazakhstan Tomiris» – 18 oryn; «Kazakhstan D» – 20 oryn.UAE SWAT Challenge: Qazaqstan komandalary týrnırdiń barlyq júldeli oryndaryn ıelendi
Komandalardyń jeńisi men júldeli oryndary – otandyq arnaıy maqsattaǵy bólimshelerdiń joǵary jaýyngerlik daǵdylarynyń, dene daıyndyǵy men kásibıliginiń kórsetkishi. UAE SWAT CHALLENGE-2026-da sátti óner kórsetý Qazaqstannyń halyqaralyq bedelin nyǵaıtty jáne bizdiń jaýyngerlerimizdiń álemdik arenada básekege qabilettiligin kórsetti.
Prezıdent UAE SWAT Challenge-2026 jeńimpazdaryn quttyqtady