Áýlıekólde halyqtyń áleýmettik osal toptary sanatynda turǵan 24 otbasy baspanaly boldy. Qonys qýanyshyna oraı ótken saltanatty is-sharaǵa qatysqan oblys ákimi Qumar Aqsaqalov turǵyndardy quttyqtap, páter kiltterin tabystady, dep habarlaıdy Egemen.kz.
«Memleket basshysy aýyl halqyn sapaly turǵyn úımen qamtamasyz etý máselesine erekshe kóńil bólip otyr. Qostanaı oblysynda bul jumys júıeli túrde júrgizilip keledi. El ıgiligine berilip jatqan turǵyn úı kólemi jyl saıyn artyp otyr. 2025 jyldyń qorytyndysy boıynsha oblysta 517,4 myń sharshy metr turǵyn úı paıdalanýǵa berildi. Onyń 63,7 myń sharshy metri aýyldyq jerge tıesili. Nátıjesinde 5,4 myńnan astam otbasy turǵyn úımen qamtamasyz etildi», dedi ákim.
Kóksýda dárigerler men muǵalimderge arnalǵan jańa turǵyn úı paıdalanýǵa berildi
Baspana qýanyshyna ıe bolǵandardyń biri – Gúlsara Sarına.
«Men 2019 jyldan beri baspana kezeginde turdym. Bes balanyń anasymyn. Búgin óz páterimizge qol jetkizip, erekshe qýanyshqa bólenip otyrmyz. Osyndaı múmkindik jasaǵan memleketke alǵysymdy bildiremin», deıdi kópbalaly ana.
Bıyl elimizde 12,9 mln sharshy metr turǵyn úı paıdalanýǵa berildi