«Qazgıdromet» sınoptıkteri 13 aqpanda elimizdiń birqatar óńirinde qolaısyz aýa raıy kútiletinin eskertti. Keı aımaqtarda kóktaıǵaq, tuman, jańbyr men qar aralas jaýyn-shashyn túsip, jeldiń ekpini sekýndyna 28 metrge deıin jetýi múmkin, dep habarlaıdy Egemen.kz.
Almatyda keı ýaqytta kóktaıǵaq pen tuman bolady.
Shymkentte jaýyn-shashyn túsip, kóktaıǵaq pen tuman kútiledi.
Abaı oblysynyń soltústigi, ońtústigi jáne ortalyǵynda tuman túsedi. Aıagóz aýdanynda ońtústik-shyǵys, shyǵys baǵyttaǵy jeldiń ekpini 15-20 m/s-qa deıin jetedi.
Aqmola oblysynyń soltústiginde jaıaý burqasyn bolady. Jeldiń jyldamdyǵy keı jerlerde 15-18 m/s-qa deıin kúsheıedi.
Almaty oblysynyń taýly aımaqtarynda keı ýaqytta qalyń qar jaýady. Batysy, ońtústigi jáne taýly óńirlerinde kóktaıǵaq, al soltústik, ońtústik jáne taýly aımaqtarynda tuman kútiledi. Jel ekpini 15-20 m/s-qa deıin jetýi múmkin.
Aqtóbe jáne Shyǵys Qazaqstan oblystarynyń soltústik, batys jáne shyǵys bólikterinde tuman bolady.
Jambyl oblysynyń taýly aýdandarynda túnde qalyń qar jaýyp, tuman men kóktaıǵaq saqtalady. Keı jerlerde jel ekpini 23 m/s-qa deıin kúsheıýi yqtımal.
Jetisý oblysynda taýly jerlerde, kúndiz ońtústik jáne ortalyq bóliginde joldarda kóktaıǵaq bolady. Alakól mańynda jeldiń jyldamdyǵy keı ýaqytta 28 m/s-qa deıin jetedi.
Batys Qazaqstan, Qaraǵandy, Qostanaı, Qyzylorda jáne Soltústik Qazaqstan oblystarynda tuman túsedi, keı aımaqtarda jel 15-20 m/s-qa deıin kúsheıedi.
Mańǵystaý oblysynda túnde kóktaıǵaq, kúndiz keı jerlerde qatty jel kútiledi.
Túrkistan oblysynda batys, ońtústik jáne ortalyq bólikterinde jańbyr men qar jaýady, taýly aımaqtarynda keı ýaqytta qalyń qar túsedi. Tuman men kóktaıǵaq ta boljanyp otyr.
Ulytaý oblysynyń batys, soltústik jáne shyǵys óńirlerinde tuman kútiledi, jel ekpini 15 m/s-qa deıin jetýi múmkin.
«-35 jáne +15 gradýs»: Aqpanda aýa raıy qandaı bolady