13 aqpanda eldegi qaı joldar ashyq, qaısysy jabyq?

13 aqpan saǵat 08:00-degi jaǵdaı boıynsha Jambyl oblysynda respýblıkalyq mańyzy bar «Merke – Shý – Býrylbaıtal» avtojolynyń 156-268 shaqyrym aralyǵynda (Birlik aýylynan Býrylbaıtal aýylyna deıin) barlyq kólik túrleri úshin qozǵalys ashyldy.

Jyldamdyqqa shekteý qoıylǵan ýchaskeler

Aýa raıynyń qolaısyzdyǵyna baılanysty birqatar jolda jyldamdyq rejımi ózgertildi:

Qaraǵandy oblysy:

«Astana – Qaraǵandy – Almaty» (KAZ 01) avtojolynyń 92-164 shaqyrymy (Anar stansııasy – Temirtaý aqyly jol beketi).

Aqmola oblysy:

«Astana – Kókshetaý (aınalma jolymen) – Petropavl – RF shekarasy (Jańa jol ótkizý beketi)» (KAZ 02) avtojolynyń 18-232 shaqyrymy.

Jabyq joldar

Aýa raıynyń nasharlaýyna baılanysty respýblıkalyq mańyzy bar kelesi jol ýchaskelerinde qozǵalys ýaqytsha shekteldi:

Aýa raıyna baılanysty birqatar oblysta joldar jabyldy

Almaty oblysy:

«Qonaev – Kúrti» avtojoly, 0-67 km (Qonaev qalasy – Kúrti aýyly);

«Astana – Qaraǵandy – Almaty» avtojoly, 2295-2436 km (Aqseńgir/Aqsaı aýyly – Qansheńgel aýyly aralyǵy);

«RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojoly, 59-143 km (Jańaqurylys aýyly – Jambyl oblysy shekarasy).

Jambyl oblysy:

Atalǵan halyqaralyq dálizdiń 143-214 km (Almaty oblysy shekarasy – Qordaı aýyly);

159-238 km (Kenen aýyly – Qaınar aýyly);

238-476 km (Taraz qalasy – Qaınar aýyly);

476-534 km (Taraz qalasynyń aınalma joly);

534-593 km (Aısha-bıbi aýyly – Túrkistan oblysy shekarasy).

Túrkistan oblysy:

Sol avtojoldyń 593-654 km (Jambyl oblysy shekarasy – Mashat kenti).

Pavlodar oblysy:

«Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jol aıryǵynda (Qalqaman kentine kireberis jáne Astana baǵytyna shyǵý) kópir qurylymynyń zaqymdanýyna baılanysty qozǵalys shekteldi.

Shyǵys Qazaqstan oblysy:

Osınov asýynda (46-66 km, Severnyı aýyly burylysy – Serebrıansk qalasy burylysy) 2024-2025 jylǵy qysqy kezeńde tirkemesi jáne jartylaı tirkemesi bar júk kólikteriniń qozǵalysyna shekteý engizilgen.

Sınoptıkterdiń boljamynsha, birqatar óńirde kóktaıǵaq, tuman, jańbyr men qar aralas jaýyn-shashyn, jel kútiledi.