Memleket basshysynyń tapsyrmasyna sáıkes, Almatynyń densaýlyq saqtaý salasyna qyzmet etetin 32 jańa nysannyń qurylysy men 14 medısınalyq mekemeni jańǵyrtý jobasy júzege asyrylyp jatyr. Búgin osy jobalardyń jaıy Almaty qalasynyń ákimi Darhan Satybaldynyń tóraǵalyǵymen ótken keńeste qaraldy, dep habarlaıdy Egemen.kz.
Qurylys jáne qoǵamdyq densaýlyq saqtaý basqarmalarynyń málimetinshe, 32 jańa nysannyń qurylysy men 14 eski nysandy jańǵyrtý josparlanǵan.
Qazirgi tańda 6 jańa nysan paıdalanýǵa berilse, 5 nysanda qurylys-montaj jumystary júrgizilýde, al 10 joba boıynsha jobalyq-smetalyq qujattama ázirlený ústinde. Negizgi jobalardyń qatarynda Daraboz shaǵynaýdanynda 300 oryndyq kópbeıindi aýrýhana men 200 oryndyq perınataldyq ortalyq salý, sondaı-aq 250 oryndyq kópbeıindi aýrýhana, onkologııalyq ortalyqqa qosa, bir aýysymda 350 pasıent qabyldaı alatyn emhanasy bar keshenniń qurylysy bar.
Keńes barysynda jumys istep turǵan medısınalyq uıymdardy kúrdeli jóndeý máselesi de jeke qaraldy. 2025 jyly 15 densaýlyq saqtaý nysany kúrdeli jóndeýmen qamtyldy.
Otyrysta jobalardy belgilengen merzimde iske asyrýdy qamtamasyz etip, salalyq basqarmalar arasyndaǵy úılestirýdi kúsheıtý tapsyrma berildi.