Álem chempıonatynyń kúmis júldegeri, qazaqstandyq mánerlep syrǵanaýshy Mıhaıl Shaıdorov Italııada ótken Olımpıada oıyndarynda altyn medal jeńip aldy, dep habarlaıdy Egemen.kz.
11 aqpan kúni erler arasynda ótken jekeleı syrǵanaýda qysqa baǵdarlamadan keıin qazaqstandyq sportshy besinshi orynda turǵan edi. Júldege qol jetkizý úshin oǵan qarsylastarynan 9,6 upaı aıyrmasyn qysqartý qajet boldy. Mıhaıl Shaıdorov jalpy 291,58 upaı jınap, jeke rekordyn jańartty.
Ekinshi orynda kele jatqan japonııalyq Iаma Kagııama erkin baǵdarlamada birneshe qatelik jiberip, qysqa baǵdarlamadan keıingi 11 upaılyq basymdyǵynan aıyryldy.
Álem chempıony, AQSh ókili Ilıa Malının erkin baǵdarlamada birneshe ret qulap, qos baǵdarlama qorytyndysy boıynsha Shaıdorovtyń ony basyp ozýyna múmkindik berdi.
Qysqy Olımpıada: Búgin Mıhaıl Shaıdorov erkin baǵdarlamada óner kórsetedi
Mıhaıl Shaıdorovtyń mánerlep syrǵanaýdan alǵan altyny 2026 jylǵy qysqy Olımpıada oıyndarynda Qazaqstan úshin alǵashqy medal boldy.
Buǵan deıin Qazaqstan atynan mánerlep syrǵanaýdan Olımpıada júldesin tek bir sportshy – Denıs Ten ıelengen edi. Ol Sochıde ótken Olımpıadada qola medal alǵan bolatyn.
Konkımen júgirýshi Nadejda Morozova 2026 jylǵy Olımpıada oıyndarynda ekinshi márte úzdik ondyqqa endi
Aıta keteıik, Mılan-Kortına Olımpıadasynda el namysyn 10 dıssıplınada 36 sportshy (18 er, 18 áıel) qorǵaıdy. Jalpy dodaǵa 93 memleketten 3000-ǵa jýyq atlet qatysady. Olar 16 baǵdarlamada 116 medal jıyntyǵyn sarapqa salady. Olımpıada 22 aqpanda máresine jetedi.
Qysqy Olımpıada: Úsh mogýlshymyz fınalǵa shyqty