Soltústik Qazaqstan oblysynyń Esil aýdanyndaǵy Qaratal aýyly óńirdegi 35-shi «ishimdiksiz aýyl» bolyp jarııalanyp otyr, dep habarlaıdy Egemen.kz.
Qaratal aýyly aýdandaǵy tórtinshi jáne oblystaǵy alkogolden tolyqtaı bas tartqan 35-shi eldi meken atandy. Osy sheshimge oraı aýyl aqsaqaldary skandınavııalyq taıaqtarmen júrgen chellendj uıymdastyryp, oǵan jergilikti atqarýshy organdar, polısııa jáne prokýratýra qyzmetkerleri qoldaý kórsetti. Turǵyndar týǵan aýyldarynyń kóshelerimen júrip ótip, salamatty ómir saltyn ustanatynyn kórsetti jáne chellendjdi Mamlıýt aýdanyna joldady.
Qyzylordada alkogol satylmaıtyn aýyldar kóbeıdi
Bul aýyl ejelden shaǵyn edi, qazir elý adamnan astam turǵyny bar 19 ǵana aýla qalypty. Sońǵy qylmystyq is munda 2023 jyly ǵana tirkelgen. Onda da aýyl turǵyndary emes, syrttan kelgen urylar qoılaryn urlaǵan. Sońǵy bes jylda Qaratalda alkogolge baılanysty birde-bir quqyqbuzýshylyq tirkelmegen. Aýyl úlken joldyń boıynda, Esildiń jaǵasynda ornalasqan jaıly meken.
Qosshy qalasynyń kásipkerleri alkogol satýdan bas tartty