Ulytaý oblysynyń ákimi Dastan Ryspekov Ońtústik Koreıanyń «Microbus» kompanııasynyń bas dırektorymen kezdesti. Kezdesý barysynda óńir aýmaǵynda birqatar strategııalyq mańyzy bar ınvestısııalyq jobalardy iske asyrý josparlary tanystyryldy, dep habarlaıdy Egemen.kz.
«Microbus» – ónerkásip jáne ınfraqurylym salalarynda jobalar júzege asyratyn halyqaralyq kompanııa. Kelissózder barysynda taraptar Ulytaý oblysynda mys kabelin óndiretin zaýyt salý, kólik-logıstıkalyq ortalyq qurý, sondaı-aq jylý-energetıkalyq ortalyqtyń qurylysyn júrgizý múmkindikterin jan-jaqty qarastyrdy.
Usynylyp otyrǵan jobalar óńirdiń óndiristik áleýetin arttyrýǵa, kólik ınfraqurylymyn damytýǵa, energııa resýrstarymen turaqty qamtamasyz etýge jáne jańa jumys oryndaryn ashýǵa baǵyttalǵan. Sonymen qatar, bul bastamalar oblystyń ınvestısııalyq tartymdylyǵyn kúsheıtip, ekonomıkanyń turaqty damýyna serpin beredi dep kútiledi.
Kezdesý qorytyndysy boıynsha ınvestorlar Ulytaý oblysynda óz ókildigin ashyp, jobalardy tıimdi iske asyrý maqsatynda oblys ákimdigimen birlesken jol kartasyn ázirleýge ýaǵdalasty.
О́ńir basshysy sheteldik seriktesterge tanytqan qyzyǵýshylyqtary úshin alǵys bildirip, josparlanǵan jobalardy iske asyrý barysynda jergilikti atqarýshy organdar tarapynan jan-jaqty qoldaý kórsetiletinin atap ótti.