Almatyda áıelder kásipkerligin damytýǵa baǵyttalǵan eń aýqymdy ári turaqty bastamanyń biri – Coca-Cola Belesteri áleýmettik jobasynyń 13-maýsymy qorytyndylandy. Úzdik bıznes-ıdeıa ıeleri Women in Business jyl saıynǵy forýmy aıasynda marapattaldy, dep habarlaıdy Egemen.kz.
«О́sý baspaldaqtary» ataýymen tanylǵan joba bastaýshy kásipkerlerge arnalǵan keshendi bilim berý baǵdarlamasy sanalady. Bıyl bastama 13-shi ret uıymdastyryldy. Oǵan halyqaralyq qaıyrymdylyq qor qoldaý kórsetti. Baǵdarlama qurylymynda onlaın oqý, grant qarastyrylǵan bıznes-ıdeıalar baıqaýy, akselerasııalyq kezeń bar. Qatysýshylar ıdeıany pysyqtaýdan bastap naryqqa shyǵýǵa deıingi joldy ıgeredi. Negizgi nazar áıelder men jastarǵa aýdarylǵan.
Osy maýsymda onlaın platforma arqyly 1 600-den astam ótinim qabyldandy. Saraptamalyq súzgiden ótken 19 jartylaı fınalıst táýelsiz qazylar aldynda jobalaryn qorǵady. Qorytyndysynda 11 úmitker 1 mln-nan 1,8 mln teńgege deıingi grant ıelendi. Jeńimpazdardyń basym bóligi – áıelder. Fınalısterdiń jartysyna jýyǵy 30 jasqa tolmaǵan. Eń joǵary grantty Almaty oblysyndaǵy Olga Pallabadze atty kásipker aldy. Grant kólemi 1 800 000 teńge. Ol organıkalyq azyq-túlik óndirisin «jasyl» tehnologııalar arqyly damytýdy kózdeıdi. Budan bólek taǵy 10 kásipkerge 1 000 000 teńgeden berildi.
Qoldaý tapqan bastamalar aýqymy ártúrli. Quıma mármár men granıtten shuńǵylsha jasaý, ulttyq salt-dástúrge arnalǵan kıimder men atrıbýttar tigý ári jalǵa berý, úı irimshigi men taǵam ónimderin shyǵarý, dárýmendi batonchık óndirý, oıý-órnekpen kómkerilgen avtorlyq sómkeler tigý, podkast stýdııasyn iske qosý syndy jobalar bar. Forým kúnderi ótken kórme-jármeńkede osy jumystar jurt nazaryna usynyldy.
Joba iske qosylǵan 2012 jyldan beri kópsatyly qoldaý ekojúıesi qalyptasty. Bazalyq oqýdan granttyq qarjylandyrýǵa deıingi tetik júıelendi. El aýmaǵynda 150 myńnan astam áıel tegin kýrstan ótti. Nátıjesinde 10 myńnan astam shaǵyn kásip ashylyp, 13 myńnan asa jańa jumys orny paıda boldy. Bıyldyń ózinde 18 myńnan astam adam bilimin jetildirdi. Oqý mazmuny jyl saıyn jańaryp otyrady. О́tken jyly jasandy ıntellekt quraldaryn is júzinde paıdalaný kýrsy engizildi.
On úsh jyl ishinde baıqaý jeńimpazdarynyń 178-i grant ıegeri atandy. Olardyń kóbi óńirlerinde tálimgerge aınalyp, kásipkerlik mádenıettiń ornyǵýyna yqpal etip júr. Isker áıelder óz tájirıbesin bólisip, jańa bastamalarǵa jol ashyp jatyr.
«Biz qatysýshylar jetistigin maqtan tutamyz. Bul joba kásipkerlik áleýetti júıeli túrde damytýdyń naqty úlgisine aınaldy. Túlekter tek jeke kásibin órkendetip qoımaı, el ekonomıkasynyń bolashaǵyna úles qosyp keledi», dedi «Áleýmettik Dınamıka» qoǵamdyq qorynyń dırektory Elena Ojgo.
Kompanııa ókili Aleksandra Akkırman da bastamanyń tıimdiligine toqtaldy. Onyń aıtýynsha, joba aıasyndaǵy qoldaý naqty nátıje berip, jańa jumys oryndarynyń ashylýyna serpin bergen.
Bastamany halyqaralyq qor, «Jasyl ekonomıka jáne G-Global damytý» koalısııasy men Coca-Cola kompanııasynyń jergilikti qurylymy qoldap keledi. Uıymdastyrý isin «Áleýmettik dınamıka» qoǵamdyq qory úılestiredi. О́nimdi jumyspen qamtý men ornyqty damýǵa qosqan úlesi úshin joba birneshe márte kásibı ári memlekettik marapattarǵa ıe boldy. Bul onyń shaǵyn bıznesti órkendetýdegi tıimdi tetik ekenin aıǵaqtaı túsedi.