Medısına qyzmetinde kemshilik bolmaýǵa tıis

Jıynǵa Densaýlyq saqtaý mı­nıstri Aqmaral Álnazarova, jer­gilikti atqarýshy organdardyń ókil­deri, mınıstrlikke qaras­ty uıym­dardyń basshylary, medı­sınalyq mekemelerdiń jetekshileri men sala­lyq sarapshylar qatysty.

Otyrysta Premer-mınıstrdiń orynbasary elimizdiń jańa tarıhı kezeńge qadam basqanyn atap ótti. Onyń aıtýynsha, jańa Konstı­tý­sııa­­nyń qabyldanýy sapaly ári qol­je­timdi medısınalyq kómekke árbir azamattyń quqyǵyn buljymas mem­lekettik kepildik retinde beki­tip, den­saýlyq saqtaý júıesiniń or­nyq­­ty ınstıtýsıonaldyq negizin qalyptastyrady.

Sondaı-aq Aıda Balaeva dáriger­ler men orta býyn medısına qyzmet­kerlerin áleýmettik jáne kásibı tur­ǵydan qoldaý memlekettik saıasattyń turaqty basymdyqtarynyń biri bolyp qala beretinine erekshe toqtaldy.

Premer-mınıstrdiń orynbasary densaýlyq saqtaý júıesin sıfrlyq transformasııalaý máselesine arnaıy nazar aýdardy. Ol Memleket basshysynyń qoldanystaǵy barlyq aq­parattyq platformalardy birik­ti­re­tin Biryńǵaı derekqor qurý jó­nin­degi tapsyrmasyn sapaly ári to­lyq­­­qandy iske asyrýdyń mańyzyn atap ótti.

Buǵan qosa Aıda Balaeva bastapqy medısınalyq-sanıtarlyq kómek deńgeıinde profılaktıkalyq jumys­ty kúsheıtý qajettigine basa nazar aýdardy. Premer-mınıstrdiń oryn­basary BMSK júıesin damytý boıynsha túbegeıli sharalar qabyl­daýdy, profılaktıkalyq tekse­rý­lerdiń tıimdiligine baqylaýdy kú­sheıtýdi, balalar densaýlyǵyn damy­týǵa arnalǵan keshendi jospar ázir­leýdi tapsyrdy. Bul jospar gıgıe­na men durys tamaqtaný mádenıetin qalyptastyrýdan bastap, aýrýlardy erte dıagnostıkalaýǵa deıingi barlyq baǵyttardy qamtýǵa tıis.

Otyrys barysynda qoǵamdyq den­saýlyq máseleleri de jeke qaraldy. Atap aıtqanda, zııandy ónimder men fastfýdty jarnamalaýdy shekteý, sondaı-aq vaksınasııa boıynsha aqparattyq-túsindirý jumystaryn kúsheıtý qajettigi atap ótildi.

Ana men bala densaýlyǵyn qorǵaý máselelerine toqtalǵan Aıda Balaeva árbir ana ólimi deregi boıynsha jan-jaqty saraptama júrgizilip, laýazymdy tulǵalardyń jeke jaýap­kershiligi naqty aıqyndalýǵa tıis ekenine nazar aýdartty.

Úkimet basshysynyń orynbasary balalar densaýlyǵy máselesi memlekettik saıasattyń basym baǵyty­na aınalýy kerektigin aıtyp, ony odan ári damytýǵa arnalǵan keshendi jospar ázirleýdi tapsyrdy.

Alqa jıynynda jan-jaqty tal­­qylanǵan taqyryptyń biri dári-dármekpen qamtamasyz etý máse­lesi boldy. Aıda Balaeva ómirlik mańy­zy bar preparattardyń emhanalar men aýrýhanalarǵa, ásirese aýyldyq jáne shalǵaı eldi mekenderge, ýaqty­ly jetkizilýin qamtamasyz etýdi tapsyrdy. Sondaı-aq dárihanalardaǵy baǵa qalyptastyrý tetikterine tıimdi baqylaý ornatý, ústemaqylardyń ashyqtyǵyn qamtamasyz etý men dárilik zattar qunynyń negizsiz ósýine jol bermeý mindeti qoıyldy.

Jıyn barysynda Densaýlyq saqtaý mınıstriniń esebi tyńdaldy. Aqmaral Álnazarova 2026 jylǵa júktelgen mindetterdi iske asyrýǵa baǵyttalǵan operasııalyq sharalar josparyn tanystyrdy.