Jelkendi sport oqý-jattyǵý ortalyǵy Qonaev qalasy ákimdiginiń kommýnaldyq menshigine qabyldandy. Buǵan deıin nysan «Qonaev» ÁKK» AQ-nyń teńgeriminde bolǵan, dep jazady Egemen.kz.
Qala ákimdiginiń qaýlysyna sáıkes, Qapshaǵaı sý qoımasynyń ońtústik-batys jaǵalaýdaǵy 2 gektar aýmaqty alyp jatqan ortalyq memlekettik aktıvter jáne satyp alý bólimine óteýsiz berildi. Teńgerimdik quny – 31 649 000 teńge.
Búginde Qonaevta jelkendi qaıyq sport túrin damytý josparlanǵan. Bul maqsatta eki jol qarastyrylǵan: biri – bıýdjet esebinen nysandy jańǵyrtý bolsa, ekinshisi – ınvestorlardy tartý arqyly jumysty jandandyryp, ǵımaratty jańalaý. Qazirgi tańda ınvestorlardan 5 túrli joba túsken.
Qonaev qalasy qarqyndy damyp keledi
Qala ákimi Ashat Berdihanov máselelerdi talqylaý baǵytynda ınvestorlarmen jáne sportpen aınalysatyn balalardyń ata-analarymen kezdesti.
«Bizdiń maqsat – balalardyń sportpen shuǵyldanýyna yńǵaıly jaǵdaı jasaý. Buǵan deıin kóńil bólinbeı qalǵany jasyryn emes. Jelkendi qaıyq sporty – Qonaev qalasynyń aınasy bolýǵa laıyq sport túrleriniń biri», dedi ol.
Jıyn qorytyndysynda shahar basshysy osy túıtkildi baqylaýǵa alýdy ákim apparatyna tapsyrdy.
Qonaevta jol jaǵdaıy jaqsardy ma?
Almaty oblysy