Aqtóbe qalasynda jastardyń qatysýymen «Konstıtýsııalyq reforma – eldiń uzaq merzimdi damýynyń negizi» taqyrybynda pikirtalas ótti. Is-sharanyń maqsaty – jańartylǵan Konstıtýsııanyń negizgi erejelerin jan-jaqty talqylaý, ashyq dıalog mádenıetin damytý, jastardyń quqyqtyq saýattylyǵyn arttyrý jáne 15 naýryzda ótetin jańa Konstıtýsııa boıynsha aldaǵy referendýmdy qoldaýǵa baǵyttalǵan ortaq ustanym qalyptastyrý, dep habarlaıdy Egemen.kz.
Jıyndy ashqan «Aýyl» partııasy Ortalyq apparat basshysynyń orynbasary Nurhat Orash búgingi jastar pikirtalasy Konstıtýsııalyq reformanyń negizgi baǵyttaryn túsiný jáne jastardyń qoǵamdaǵy mańyzdy máselelerdi talqylaýyna múmkindik beretin alań ekenin atap ótti.
Gıdrotehnıkter jańa Konstıtýsııa boıynsha referendým ótkizýdi qoldady
Pikirtalasqa qatysqan belsendi jastar Konstıtýsııanyń jańa jobasyn tolyqtaı qoldaıtyndyqtaryn bildirdi. Olar bul reformany eldiń demokratııalyq baǵytyn aıqyndaıtyn jáne azamattyq qoǵamdy nyǵaıtatyn tarıhı qadam retinde baǵalady. Jastar atap ótkendeı, jańa Konstıtýsııa adam kapıtalyna, bilim men ınnovasııaǵa basymdyq bere otyryp, jas býyn úshin jańa áleýmettik lıftiler men quqyqtyq kepildikter ashady.
Jetisý oblysynda jańa Konstıtýsııa jobasy men saıası júıeniń basty ózgeristeri talqylandy
Is-sharaǵa sondaı-aq Aqtóbe oblysy jastar basqarmasynyń bólim basshysy Madı Kemeshov jáne oblystyq JRO, Jastar bastamalaryn qoldaý jáne uıymdastyrý bóliminiń basshysy Dastan Qurmanbaı qatysyp, óz pikirlerin bildirdi.
Jıyn sońynda qatysýshylar jańa Konstıtýsııa – ótkendi saralap, bolashaqqa nyq qadam jasaýǵa múmkindik beretin strategııalyq tańdaý degen ortaq baılamǵa keldi.