Elimizde 15 naýryz kúni jańa Konstıtýsııany qabyldaý boıynsha jalpyrespýblıkalyq referendým ótedi. Elordada osy bir mańyzdy sharany eske túsirip turýǵa arnalǵan tablolar ornatyldy, dep jazady Egemen.kz.
Astana qalasy ákimdiginiń málimetinshe, keri sanaq tablolary sholý dóńgeleginde jáne Qazaqstan temir joly ulttyq kompanııasynyń ǵımaratynda ornatylǵan.
Ondaǵy sandar naqty ýaqyt rejıminde referendýmǵa qansha kún qalǵanyn kórsetedi.
Koalısııa músheleri Túrkistan oblysy turǵyndarymen kezdesti
Buǵan deıin elordada «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasynyń qalalyq shtaby ashyldy. Koalısııa quramyna saıası partııalar men qoǵamdyq uıymdardyń ókilderi endi. Onyń aıasynda alǵashqy aýqymdy live-konsert uıymdastyryldy. Oǵan 10 myńnan astam adam qatysty.