Densaýlyq saqtaý mınıstri Aqmaral Álnazarova Premer-Mınıstrdiń orynbasary – Mádenıet jáne aqparat mınıstri Aıda Balaevanyń qatysýymen ótken vedomstvo alqasynyń otyrysynda medısınalyq-sanıtarııalyq alǵashqy kómekti (MSAK) uıymdastyrýdaǵy negizgi nátıjeler men halyqqa qyzmet kórsetý sapasyn arttyrýǵa arnalǵan jańa sharalardy usyndy, dep habarlaıdy Egemen.kz.
Mınıstrdiń aıtýynsha, emhanalardaǵy kezekter, jalpy praktıka dárigerleriniń joǵary júktemesi jáne pasıent marshrýttarynyń kúrdeliligi sııaqty máseleler áli de ózekti.
«Biz pasıentter medısınalyq qoldaýdy tezirek, aýrýdyń erte satysynda jáne emdeý tıimdi bolǵan kezde ala alatyndaı etip alǵashqy kómekti qalpyna keltirip jatyrmyz», dedi A. Álnazarova.
Medısına qyzmetinde kemshilik bolmaýǵa tıis
2025 jyldan bastap skrınıngtik baǵdarlamalar keńeıtildi: nysanaly toptyń jasy 76 jasqa deıin ulǵaıtyldy, 50-76 jastaǵy er adamdar úshin ınsýlt qaýpin turaqty tekserý engizildi. Al sozylmaly aýrýlardy erte anyqtaý úshin joǵary sezimtal zerthanalyq synaqtar qoldanylady.
Sonymen qatar onkoskrınıngter tegin medısınalyq kómektiń kepildik berilgen kólemine qosyldy. Bul saqtandyrýy joq 300 myń azamattyń tekserilýine jol ashady.
Qosymsha medısınalyq bilim sapasyna qoıylatyn talap kúsheıdi