Almaty qalasy 2029 jyly ótetin qysqy Azııa oıyndarynyń resmı uıymdastyrýshysy bolyp bekitildi. 5 aqpan kúni tıisti qujatqa Italııanyń Mılan qalasynda Qazaqstan Ulttyq Olımpıadalyq komıtetiniń prezıdenti Gennadıı Golovkın men Azııa Olımpıadalyq keńesiniń basshysy, mártebeli Sheıh Djoan bın Hamad Ál-Tanı qol qoıǵan edi, dep jazady Egemen.kz.
Dúbirli dodaǵa oraı Almatyda jańa sporttyq nysandar salynbaıdy. Bul týraly Týrızm jáne sport vıse-mınıstri Serik Jarasbaev Senat kýlýarynda ótken brıfıngte málimdedi. Onyń aıtýynsha, halyqaralyq is-sharany ótkizý quqyǵyn almas buryn Almatydaǵy qoldanystaǵy ınfraqurylymǵa monıtorıng júrgizilgen.
«Qoldanystaǵy sporttyq nysandar halyqaralyq standarttarǵa tolyq sáıkes keledi jáne Azııa oıyndarynyń baǵdarlamasyn tolyq qamtamasyz ete alady. Sondyqtan Azııa oıyndaryn ótkizý úshin qosymsha jańa sport nysandaryn salýdyń qajeti joq. Sózimizge 2011 jyly ótken Azııa oıyndary men 2017 jyly ótken 28-qysqy Dúnıejúzilik Ýnıversıadanyń sátti uıymdastyrylýy dálel», dedi Serik Jarasbaev.
Keler jyly Astanada ÝEFA-nyń 51-shi Kongresi ótedi
Sondaı-aq vıse-mınıstr kólik aǵyndaryn durys bólý jáne jarys kestesin tıimdi qurý arqyly kelýshiler sanynyń artýyna baılanysty Almatydaǵy keptelis máselesi qıyndyq týdyrmaıtynyn da atap ótti.
«2017 jyly biz keptelis máselesin tıimdi sheshtik. Jalpy, qala bul mindetti eńsere aldy. Qazaqstannyń halyqaralyq sporttyq is-sharalardy ótkizýde jetkilikti tájirıbesi bar dep oılaımyn, al jol qozǵalysyn retteýde birlesken ári úılestirilgen jumys bizge kómektesedi», dedi ol.
24 aıdyń jumysy 11 aıda bitti: Almaty metrosynyń jańa Qalqaman beketi qashan iske qosylady?