Bokstan eki dúrkin álem chempıony, London Olımpıadasynyń chempıony Serik Sápıev Konstıtýsııalyq reforma jobasyn qoldap, memlekettik qurylymdy nyǵaıtý jolyndaǵy bastamalardy mańyzdy dep baǵalady. О́ziniń áleýmettik jelidegi paraqshasynda sportshy azamattardyń múddesin qorǵaý ınstıtýttaryn kúsheıtýdiń, buqaralyq sportty damytý men jas talanttardy qoldaýdyń mańyzdylyǵyn atap ótti, dep habarlaıdy Egemen.kz.
«Qurmetti dostar!
Elimizde Konstıtýsııalyq reformalar jobasy boıynsha keń kólemdi qoǵamdyq talqylaý júrip jatyr. Bul kezeń Qazaqstannyń memlekettik qurylymyn aldaǵy onjyldyqta qalaı damıtynyn anyqtaıtyn mańyzdy ári jaýapty sát.
Qazaqstan azamaty, qoǵam qaıratkeri jáne adam retinde men usynylyp otyrǵan bastamalardyń mańyzdylyǵyn tereń túsinemin jáne memlekettilikti júıeli túrde jańartý men nyǵaıtý baǵytyn qoldaımyn.
Biz túbegeıli ózgerister jolyna 2022 jyly «Ádiletti Qazaqstan» qurý baǵyty jarııalanǵanda túsken edik. Búgingi qadamdar – sol bastamalardyń qısyndy jalǵasy, tereńdeýi men damýy. Bul – naýqandyq shara emes, memlekettiń turaqtylyǵy men qoǵamnyń senimin arttyrýǵa baǵyttalǵan oılastyrylǵan úderis», dep jazdy ol.
Serik Sápıev mınıstrdiń shtattan tys keńesshisi bolyp taǵaıyndaldy
S. Sápıevtiń aıtýynsha, reformalardyń kelesi kezeńi – azamattardyń múddelerin kórsetetin ınstıtýttardyń rólin kúsheıtý.
«Sportshy retinde men shynaıy kúsh – tártipte, komandalyq jumysta jáne erejelerdi qurmetteýde ekenin jaqsy bilemin. Myqty memlekettiń negizi de osy qaǵıdalarǵa súıenedi. Jeńis bir kúnde kelmeıdi, ol tózimdilikti, daıyndyqty jáne aýyzbirshilikti talap etedi. Memlekettik qurylysta da osyndaı ustamdy tásil usynylyp otyr.
Memleket basshysynyń jaýapty ári jasampaz patrıotızmge – qurǵaq sózge emes, kúndelikti adal eńbekke basymdyq bergeni óte mańyzdy. Men úshin jáne barsha sportshylar úshin bul – naqty is: buqaralyq sportty damytý, jas talanttarǵa jol ashý, sport pen salaýatty ómir saltyn árbir bala men árbir otbasyǵa qoljetimdi etý», dep jazdy Serik Sápıev.
ERG metallýrgteri otandastarymyzdy referendýmǵa qatysýǵa shaqyrdy
Sportshynyń pikirinshe, qoǵamdyq talqylaýdyń mańyzy zor. Reformalar dıalogsyz múmkin emes. Árbir azamattyń pikiri mańyzdy jáne estilip, nazarǵa alynýy tıis. Tek osylaı biz el múddesine shynaıy qyzmet etetin sheshimderge kele alamyz.
«Men usynylyp otyrǵan bastamalar bizdiń memlekettiligimizdi, táýelsizdigimizdi nyǵaıtyp, bolashaq urpaqqa jańa múmkindikter ashady dep senemin. Bul – turaqty damý, sabaqtastyq pen ulttyq birliktiń joly. Biz senimge, eńbekke jáne ózara qurmetke súıene otyryp, myqty, ádil jáne tabysty Qazaqstandy quramyz», dep túıindedi Serik Sápıev.
Referendýmǵa 24 kún qaldy: Astanada keri sanaq tablolary ornatyldy