Búgin, 22-nen 23 aqpanǵa qaraǵan túni Italııanyń Verona qalasynda 2026 jylǵy XXV qysqy Olımpıada oıyndarynyń jabylý saltanaty ótedi, dep jazady Egemen.kz.
Tikeleı translıasııa Qazaqstan ýaqyty boıynsha 23:45-te bastalady jáne «Qazaqstan», «Qazsport» jáne «Habar» telearnalarynan kórsetiledi. Is-shara «Arena dı Verona» amfıteatrynda ótedi.
Italııanyń Mılan jáne Kortına-d’Ampesso qalalarynda ótken Olımpıada «Beauty in Action» («Sulýlyq – qozǵalysta») atty shoýymen aıaqtalady.
Jabylý saltanatyna barlyq qatysýshy elderdiń delegasııalary, onyń ishinde Qazaqstan da qatysady – sportshylar arenadan saltanatty túrde ótedi.
Jabylý rásimi 2030 jylǵy qysqy Olımpıadanyń astanasy – Fransýz Alpilerine olımpıadalyq týdy tapsyrýmen aıaqtalady.
Aıta keteıik, 2026 jylǵy Olımpıadada Qazaqstan quramasynyń sapynda 36 sportshy óner kórsetti, olar sporttyń 10 túri boıynsha jarysqa qatysty.
Qazaqstan quramasy Olımpıada-2026 oıyndaryn bir altyn medalmen aıaqtap, jalpykomandalyq esepte 19-orynǵa turaqtady.
Olımpıadanyń sońǵy kúni jarys jolyna kimder shyǵady