Almatyda halyqaralyq jýrnalıstıka jáne kommýnıkasııa boıynsha XIII qysqy mektep jumysy bastaldy. Bıylǵy jıyn IýNESKO jarııalaǵan Dúnıejúzilik radıo kúnine oraı «Medıaplıýralızm: Ortalyq Azııadaǵy jasandy ıntellekt ǵylymy» taqyrybynda ótti, dep habarlaıdy Egemen.kz.
Jıynnyń ashylý saltanatynda Prezıdent janyndaǵy Ulttyq ǵylym akademııasynyń Bilim jáne áleýmettik damý ortalyǵynyń basshysyTólen Jeńisbek radıonyń ushqyr aqparat quraly retindegi rólin atap ótti. Zamanaýı ǵylym men medıanyń ushtasýy qoǵam damýynyń negizgi qozǵaýshy ekenine, jasandy ıntellekt dáýirinde aqparattyq qaýipsizdik pen ǵylymı negizdelgen kommýnıkasııanyń róli arta túsetinine nazar aýdardy.
Jıynda EQYU BAQ bostandyǵy jónindegi ókiliniń bas keńesshisi Barbara Trıonfı sıfrlyq transformasııa kezinde medıaplıýralızmdi saqtaý men sóz bostandyǵyn qorǵaýdyń mańyzyn tilge tıek etti. Ol jasandy ıntellekt quraldaryn paıdalanýda etıkalyq normalardy saqtaý qajettigin basa aıtty.
BUU-nyń Qazaqstandaǵy Aqparattyq bıýrosynyń basshysy Vlastımıl Samek «Jasandy ıntellekt jýrnalıstıkaǵa jańa múmkindikter ashýmen qatar, aqparattyń shynaıylyǵy men beıbitshilikti nyǵaıtý jolynda úlken jaýapkershilik júkteıdi» dep atap ótse, IýNESKO aımaqtyq bıýrosynyń mamany Madjer Masanov medıa jáne aqparattyq saýattylyq salasyndaǵy uıymnyń sońǵy resýrstarymen tanystyryp, sıfrlyq radıotehnologııalardy meńgerýdiń mańyzyna toqtaldy.
Jýrnalıstıka qalaı ózgerip jatyr: Qazaqstanda BAQ ókilderi sıfrlyq daǵdylardy meńgerdi
Talqylaýǵa qatysqan jetekshi basylymdardyń bas redaktorlary da mańyzdy pikir bildirdi. «Almaty aqshamy» gazetiniń bas redaktory Eshat Bojan baspasózdiń jumysyn uıymdastyrýdaǵy jańa úrdisterdi atap ótip, jasandy ıntellekt kontentin etıkalyq retteý máselelerin atap ótti. «Shalqar» radıosynyń bas redaktory Bolatbek Tólepbergen dástúrli radıonyń sıfrlyq ekojúıege kóshý tájirıbesimen bólisse, «Iýrıdıcheskaıa gazeta» basylymynyń bas redaktory Bahtııar Tohtahýnov quqyqtyq medıadaǵy jýrnalıst pen jasandy ıntellekt róliniń arajigine qatysty másele kóterdi.
Aqpannyń sońyna deıin jalǵasatyn qysqy mektepte Qytaı, Ortalyq Azııa elderi men Aýǵanstan, Iemen, Bangladesh jáne Epıofııadan kelgen jas zertteýshiler BUU-nyń Turaqty damý maqsattaryn medıa arqyly nasıhattaýdyń jańa ádisterin meńgeredi.
Jasandy ıntellekt dáýirindegi jýrnalıstıka
Qysqy mektep jumysy bolashaq jýrnalısterdiń kásibı biliktiligin arttyryp, halyqaralyq yntymaqtastyqty nyǵaıtýǵa baǵyttalyp otyr.