ShYMKENT. 13 mamyr. Ońtústik Qazaqstan oblysy Shardara aýdanynda bógde bireýdiń eki jasar balasyn keýdesinen urǵan áıel sot júzinde jaza aldy. Bul týraly oblystyq sottyń baspasóz qyzmetiniń deregine súıengen egemen.kz tilshisi habarlady.
«Ońtústik Qazaqstan oblysy Shardara aýdandyq soty Qylmystyq kodekstiń 109-baby boıynsha aıyp taǵylǵan sottalýshy Narymbetovaǵa qatysty qylmystyq isti qarady», - delingen habarlamada.
Isti qaraý barysynda sottalýshy Narymbetovanyń 2015 jylǵy 23 naýryzda jeke aıyptaýshy Bekmanovamen bolǵan urys kezinde oǵan óz basynyń jek kóre qaraýy saldarynan eki jasar ulyn keýdesinen bir ret uryp jiberedi. Bul sotta Bekmanovanyń balasyna qatty aýyrsyný ákelýmen birge, onyń densaýlyǵyna zalal keltiretin áreket retinde baǵalandy.
Sondyqtan sottyń úkimimen sottalýshy atalǵan qylmystyq is úshin aıypty dep tabyldy. Oǵan 30 eń tómengi aılyq kóleminde, ıaǵnı 60 myń teńgege jýyq aqshanyń aıyppuly salyndy.
Úkim áli zańdy kúshine engen joq.
Baqtııar Taıjan.
Derek, sýret: egemen.kz.