Jarty mıllıonnan astam adam jumyspen qamtylady

Premer-mınıstrdiń orynbasary Memleket basshysy áleýmettik salaǵa erekshe kóńil bóletinin atap ótti. Azamattardyń jaǵdaıy men eldiń turaqty damýy jańa Konstıtýsııa jobasynyń negizgi ózegine aınalǵany aıtyldy.

Otyrysta málim etilgen basty máseleniń biri halyqty jumys­pen qamtý jaıy boldy. 2025 jyldyń qorytyndysy boıynsha elde 2,9 mln sapaly jumys orny saqtaldy. 2026 jyly óńirlik jumyspen qamtý kartalary aıasynda 547,7 myń adamdy jumysqa ornalastyrý josparlanyp otyr.

Jıynda jumys ornyndaǵy adam qaýipsizdigi men qorǵalýy da qaraldy. «Sıfrlandyrý jaǵ­daıynda yńǵaıly ári túsinikti kom­mý­nıkasııa quraldaryn engizý mańyz­dy», dep atap ótti A.Balaeva.

Sonymen qatar taraptardyń kepildikterin, quqyqtary men mindetterin aıqyndaıtyn eńbek shartyn ázirleý tapsyryldy. Mı­nıstrliktiń basym mindetteriniń biri – múgedek jandardy keshendi áleýmettik qorǵaý. Olardy jumys­pen qamtý tásilderin jetildirý, tehnıkalyq qajet quraldarymen qamtamasyz etý, ınfraqurylym nysandarynyń qoljetimdiligin arttyrý máseleleri ózekti ekeni aıtyldy. Sondaı-aq múgedektigi bar balalardy damytý men áleýmettendirýge erekshe nazar aýdaryldy.

Múgedektikti taǵaıyndaý rá­siminiń ashyqtyǵyn qamtamasyz etý maqsatynda Premer-mınıstr­diń orynbasary Densaýlyq saqtaý mınıstrligi men Eńbek jáne halyqty áleýmettik qorǵaý mınıstrliginiń aqparattyq júıe­lerin biriktirýdi tapsyrdy. Mem­leket basshysy jarııalaǵan «Sıfr­landyrý jáne jasandy ıntellekt jyly» aıasynda mınıstrlik aldynda áleýmettik-eńbek salasyn tehnologııalyq turǵyda jańǵyrtý jóninde aýqymdy mindet turǵany sóz etildi.

Otyrysta mınıstr Asqarbek Ertaev baıandama jasap, sala jumy­synyń nátıjelerin qory­tyndylap, aldaǵy kezeńge arnalǵan negizgi mindetterdi belgiledi.