Air Astana kompanııalar toby Dýbaı, Jıdda, Medına jáne Doha qalalaryna josparlanǵan barlyq turaqty reısterdi 10 naýryzdy qosa alǵanǵa deıin toqtatatynyn málimdedi. Sonymen qatar atalǵan baǵyttar boıynsha bıletterdi satý 17 naýryzǵa deıin ýaqytsha toqtatyldy.
Taıaý Shyǵys elderinen qazaqstandyqtardyń kezekti legi elge aman-esen jetkizildi
Áýe kompanııasy bıleti bar azamattar úshin qolaıly jaǵdaılar jasap otyr: 30 sáýirge deıin basqa kúnderge tegin aýystyrýǵa bolady; Qarjyny tolyq qaıtarý múmkindigi 11 naýryzǵa deıin ashyq.Eske sala keteıik, Izraıl 28 aqpan, senbi kúni tańerteń Iranǵa soqqy jasady. Dýbaı, Abý-Dabı jáne Ras-el-Haımada júrgen Qazaqstan azamattary reısterdiń toqtatylýyna baılanysty elge qaıta almaı otyr. Al «Qazposhta» Taıaý Shyǵystaǵy jaǵdaıdyń shıelenisýine baılanysty halyqaralyq poshta jóneltilimderine ýaqytsha shekteýler qoıylǵanyn málimdedi.
Buǵan deıin Taıaý Shyǵystaǵy qaqtyǵys saldarynan 13 reıs toqtatylǵanyn jazǵan bolatynbyz. Sondaı-aq Taıaý Shyǵystaǵy ahýaldyń ýshyǵýyna baılanysty Qazaqstannyń shet elderdegi mekemeleriniń jedel baılanys jáne «jedel jeli» nómirleriniń iske qosylǵany habarlanǵan edi.
Keshe Dýbaıdan Oman arqyly 467 otandasymyz elge jetkizildi. Sonymen qatar Flydubai áýe kompanııasy Dýbaı qalasynan Astana jáne Almaty qalalaryna eki evakýasııalyq reısti oryndady.