ATYRAÝ. 13 mamyr. Atyraýda tolassyz jaýǵan nóserden keıin jeke sektordaǵy turǵyn úılerden 500 adam qaýipsiz jerge kóshirildi. Bul týraly egemen.kz tilshisi habarlady.
11 mamyrda tústen keıin bastalǵan tolassyz jaýynnyń saldarynan Atyraýda birqatar keleńsizdikter bolǵanyn habarlaǵan edik. Nóser jańbyrdyń saldary ásirese, Atyraý qalasy men oǵan irgeles ornalasqan eldi mekenderde aıryqsha baıqaldy.
Oblystyq tótenshe jaǵdaılar departamenti basshysynyń orynbasary Marat Qurmanovtyń málim etkenindeı, Atyraý qalasynyń jeke sektorynda ornalasqan turǵyn úılerge sýǵa ketý qaýpi tóngen. Naqtylaı aıtqanda, jańbyr sýy 42 jeke úı men 252 aýlaǵa kirgen. Jeke sektordaǵy turǵyn úılerden qaýipsiz jerge kóshirilgen adamdardyń sany 500-ge jetken.
Búgin Atyraýda jańbyr jaýǵan joq. Biraq aýa raıy bultty ári bulyńǵyr bolyp tur.
Sınoptıkter apta sońyna deıin taǵy da jańbyr jaýatynyn habarlaýda.
Joldasbek Shópeǵul.
Derek:egemen.kz.
Sýret: Rahym Qoılybaev.