Buqaralyq aqparat quraldarynda Almaty qalasynda shamamen 540 mln teńge kóleminde para aldy degen kúdikpen «Qaztemirtrans» AQ fılıalynyń dırektory Aqylbek Bazenov ustaldy degen aqparat tarady, dep habarlaıdy Egemen.kz.
Derekkózderdiń málimetinshe, aqsha oǵan fılıal qyzmetine qatysty máselelerdi sheshýge jáne kásipkerlik qyzmetke qoldaý kórsetýge baılanysty berilgen. Atap aıtqanda, jeke kúzet kompanııasyna «Qaztemirtrans» nysandaryn Qazaqstan aýmaǵynda kúzetýge ruqsat alý máselesine yqpal etý jaıy sóz bolyp otyr.
11,4 mlrd teńge zalal: «Problemalyq kredıtter qorynyń» burynǵy tóraǵasy ustaldy
«Qaztemirtrans» kompanııasynyń baspasóz qyzmeti tergeý áreketteri júrgizilip jatqanyn rastady. Kompanııa ókilderi ýákiletti organdarǵa tolyq qoldaý kórsetip, qajetti aqparat pen qujattardy usynyp jatqanyn málimdedi.
Sonymen qatar kompanııada fılıal nysandaryn kúzetýge arnalǵan memlekettik satyp alý boıynsha kelisimsharttar qazirdiń ózinde tolyq aıaqtalǵany aıtyldy.
«Qolda bar málimetterge qaraǵanda, fılıal nysandaryn kúzetýge qatysty memlekettik satyp alýda jeńiske jetýge járdemdeskeni úshin iri kólemde zańsyz syıaqy aldy degen aqparat kúmán týdyrady. Sebebi qazir kúzet qyzmetterine baılanysty barlyq kelisimsharttar jasalyp qoıǵan. Jalpy kompanııa boıynsha kúzet qyzmetteriniń jyldyq bıýdjeti shamamen 200 mln teńgeni quraıdy, al Almaty fılıalynyń óndiristik bazalaryn kúzetýge bıyl 9 mln teńgeden astam qarjy bólingen. Bul taraǵan aqparattaǵy para kóleminen birneshe ese az», delingen kompanııa habarlamasynda.
SQO-da kolonııa bastyǵy qylmyskerden para aldy degen kúdikpen ustaldy
Qalǵan mán-jaılardy tergeý anyqtaıdy.
Aıta keteıik, «Qazaqstan temir joly» ulttyq kompanııasynyń enshiles uıymy sanalatyn «Qaztemirtrans» – Qazaqstandaǵy júk vagondary parkiniń eń iri operatory.