Sheteldegi qazaq jastarynyń arasynda ǵylymda, mádenıette, bızneste, shyǵarmashylyqta bıik belesterdi baǵyndyryp júrgen daryndy býyn qalyptasyp keledi. Osyndaı zerek te talapty qazaq jastarynyń biri – Iranda ómirge kelgen jas qalamger Atrıe Chalak.
Atrıe Chalak Irannyń Bender-Túrikmen qalasynda ómir esigin ashqan. Jasy jıyrmada. Jýyrda onyń parsy tilinde jazylǵan tuńǵysh kitaby jaryq kórdi. Bul jańalyqty qazaq qoǵamyna súıinshilegen Gelhor Jemeneıdiń aıtýynsha, jas qalamgerdiń shyǵarmasynda jastyq shaqtyń názik sezimi, adamnyń ishki jan dúnıesindegi tolǵanys pen psıhologııalyq arpalys beınelenedi.