Almaty qalasyndaǵy Naýryzbaı aýdanynyń Qaraǵaıly yqsham aýdanynda osy shildede sý tasqyny boldy. Sonda Almaly kóshesinde zeınetker jáne 1-shi toptaǵy múgedek 4 adam qalyp qoıdyq. Eki jaqtan sý quıylǵanda qalaı qashatynymyzdy bilmedik. Kóliktermen ketip bara jatqan adamdardyń eshqaısysy kómek kórsete almady. Sodan esimiz shyǵyp ne ári, ne beri júrerimizdi bilmedik. Ol kezde qutqarýshylar áli jumysqa kirispegen edi. Sonda aldymyzdan bir áskerı jigit kezdesip qalyp, bizdi bir-birlep kóterip qaýipsiz aımaqqa jetkizdi. О́z basyn qaterge tikse de, qamqor bolyp, saǵat túngi 3-ten 6-ǵa deıin janymyzda júrdi. Basqa adamdar sııaqty qashyp ketpedi. Sharasyz bolǵan kári adamdardy jubatyp, demeý sózder aıtty. Esimizdi jıyp, sý tasqyny qateri basylǵanda, úıimizge oraldyq. Sodan, sol jigittiń kim ekenin surastyrdyq. Ol Almaty qalasyndaǵy 2027-áskerı bólimniń maıory Máýlen Muhtaruly Jaqypov eken. Birinshiden, sol jigitti tárbıelegen ata-anasyna alǵysymyz sheksiz. Ekinshiden, shekara qyzmetkerlerin qyraǵylyqqa, baýyrmaldyqqa, qamqorlyqqa baýlyǵan shekara qyzmetiniń basshylaryna alǵys aıtamyz. Qazaǵymyzdyń erjúrek uldaryna myń alǵys. Joǵarydaǵydaı qaterli sátterde ózin oılamaı, úlkenderge kómek kórsete bilgen Máýlen ulymyzdyń jasy uzaq bolsyn.
Táýen ÁKIMJANOV, Qaraǵaıly shaǵyn aýdanynyń Naýryzbaı batyr kóshesindegi 14-úıdiń turǵyny.
ALMATY.