Roza Baǵlanova atyndaǵy «Qazaqkonsert» memlekettik akademııalyq konserttik uıymy sahnasynda «forte trio» memlekettik trıosynyń «Súıikti jandar úshin…» atty klassıkalyq mýzyka keshi ótti. О́nersúıer qaýymdy bir arnaǵa toǵystyrǵan bul kesh kórermenge názik sezim men tereń oıǵa jeteleıtin mýzykalyq áser syılady.
Keshtiń basty ereksheligi – qazaqtyń ulttyq áýenderi men álemdik klassıkanyń jaýhar týyndylarynyń bir sahnada úndesýi boldy. Mýzykanttardyń oryndaýyndaǵy árbir shyǵarma tyńdarmandy erekshe sezimge bólep, júrekke jyly áser qaldyrdy.
Konserttik baǵdarlamada halyq júreginen oryn alǵan ulttyq shyǵarmalar men álemdik vokaldyq klassıka úlgileri oryndaldy. Sonyń ishinde qazaq mýzykasynyń kórkem lırıkasyn áıgileıtin «Nazqońyr», «Aq qýraı» sekildi shyǵarmalar tyńdarmandy ulttyq áýenniń tereńdigimen tánti etti. Sonymen qatar álemdik repertýardan «Marıtana», «Gımn lıýbvı», «Vals», «Mamma», «Buongiorno a te» sekildi tanymal týyndylar shyrqalyp, keshtiń kórkin qyzdyrdy.
Mýzykalyq keshke qonaq retinde Qazaqstannyń eńbek sińirgen qaıratkeri, belgili tenor Medet Shotabaev, «Daryn» memlekettik jastar syılyǵynyń laýreaty, daryndy barıton Azat Málik qatysty. Tanymal ónerpazdardyń oryndaýyndaǵy arııalar men vokaldyq shyǵarmalar kórermenderdiń zor qoshemetine ıe boldy.
Sahnada óner kórsetken «FORTE TRIO» ujymy joǵary kásibı sheberligin taǵy bir márte dáleldep, árbir shyǵarmany shynaıy sezimmen jetkize bildi. Mýzykanttardyń úılesimdi oryndaýy men sahnalyq mádenıeti keshtiń kórkemdik deńgeıin arttyra tústi. Osylaısha, «Súıikti jandar úshin…» mýzykalyq keshi kórermenge umytylmas áser syılap, klassıkalyq ónerdiń máńgilik qundylyǵyn taǵy bir márte aıqyndady.