«Qazgıdromet» 12 naýryz kúni eldiń birneshe óńirinde aýa raıy kúrt buzylatynyn boljap otyr, dep jazady Egemen.kz.
Ulytaý oblysynyń túnde batys, soltústik jáne shyǵys bólikterinde qar jaýyp, boran soǵady. Kúndiz soltústik pen shyǵysta azdaǵan qar jaýyp, baıaý burqasyn kútiledi. Batys pen ońtústikte tuman túsip, kúndiz kóktaıǵaq bolady. Jeldiń jyldamdyǵy sekýndyna 15-20 metrge jetedi.
Qaraǵandy oblysynda qar jaýyp, boran soǵady. Shyǵys jáne ońtústik bólikterinde tuman túsedi. Jeldiń ekpini keı jerlerde sekýndyna 23-28 metrge deıin kúsheıýi múmkin. Qaraǵandy qalasynda da qar men boran boljanyp otyr.
Naýryz aıynda aýa raıy qandaı bolady?
Pavlodar oblysynda qar jaýyp, boran soǵady. Jeldiń jyldamdyǵy sekýndyna 15-20 metrge deıin jetedi.
Almaty oblysynda ońtústik jáne taýly aýdandarda tuman túsip, joldarda kóktaıǵaq bolady. Túnde soltústikte jáne taýly aımaqtarda 25 gradýsqa deıin aıaz kútiledi. Almaty jáne Qonaev qalalarynda tuman men kóktaıǵaq boljanyp otyr.
Soltústik Qazaqstan oblysynda túnde qar men boran, kúndiz jańbyr men qar aralas jaýyn-shashyn, kóktaıǵaq jáne boran bolady. Jeldiń ekpini sekýndyna 25 metrge deıin jetýi múmkin.
Túrkistan oblysynda batys, soltústik jáne taýly aýdandarda tuman túsetini boljanǵan. Shymkent pen Túrkistan qalalarynda da tuman túsedi.
Atyraý oblysynda jeldiń jyldamdyǵy keı jerlerde sekýndyna 15-20 metrge deıin kúsheıedi.
Abaı oblysynda soltústiginde qar jaýyp, boran soǵady. Semeıde de osyndaı aýa raıy saqtalady.
Batys Qazaqstan oblysynda tuman men kóktaıǵaq bolady. Oral qalasynda túnde jáne tańerteń kóktaıǵaq boljanǵan.
Aqtóbe oblysynda túnde keı jerlerde jańbyr men qar aralas jaýyn-shashyn, baıaý burqasyn jáne kóktaıǵaq boljanyp otyr. Keı aýdandarda tuman túsedi.
Shyǵys Qazaqstan oblysynda soltústik jáne shyǵys bólikterinde qar men boran kútiledi. О́skemende kúndiz qar jaýyp, boran soǵady.
Qostanaı oblysynda túnde qar men boran, kúndiz jańbyr men qar aralas jaýyn-shashyn, kóktaıǵaq jáne tuman bolady.
Qyzylorda oblysy men Qyzylorda qalasynda tuman kútiledi.
Mańǵystaý oblysynda túnde keı jerlerde tuman túsedi.
Aqmola oblysynda túnde qar men boran, kúndiz jańbyr men qar aralas jaýyn-shashyn, kóktaıǵaq bolady. Jeldiń ekpini keı jerlerde sekýndyna 30 metrge jetedi. Astana qalasynda da qar men boran kútiledi.
Elimizde qaı joldar jabyq tur?
Jambyl oblysynda ońtústik jáne taýly aýdandarda tuman túsedi. Tarazda da ýaqytsha tuman bolady.
Jetisý oblysynda ońtústik jáne taýly aımaqtarda tuman kútiledi. Alakól mańynda jeldiń ekpini sekýndyna 23-28 metrge deıin kúsheıýi múmkin. Túnde keı jerlerde 25 gradýsqa deıin aıaz bolady.