Memleket basshysy Qasym-Jomart Toqaev barlyq deńgeıdegi máslıhat depýtattarynyń III respýblıkalyq forýmynda kólik-tranzıt salasyn nyǵaıtýdy tapsyrdy, dep jazady Egemen.kz.
Prezıdent bul sharýa kommýnaldyq, energetıkalyq jáne sý salasyndaǵy ınfraqurylymdy jańǵyrtý jumysymen qatar júrýi tıis ekenin atap ótti.
Toqaev: Máslıhattardyń ókilettigin odan ári keńeıtip, naqtylaı túsý qajet
«Mysaly, byltyr 1500 shaqyrym temir jol salynyp, jóndeýden ótti. Bul da – rekordtyq kórsetkish. Bıyl 3700 shaqyrymnan astam jańa temirjol jelileri tóselip, paıdalanýǵa beriledi. Qazirgi tańda jolaýshylar úshin jańa baǵyttar ashylyp, vagondar parki jańartylyp jatyr. Sondaı-aq vokzaldar qaıta jóndeýden ótýde. Sebebi olar ortasha eseppen alǵanda 60 jyldan beri jumys istep tur. Tipti, elimizdegi on vokzal osydan bir ǵasyr buryn salynǵan. Jalpy, biz byltyr Qazaqstandaǵy 124 vokzaldy túgel jańǵyrta bastadyq. Bul jumys osy jyldyń sońyna deıin aıaqtalady. Mundaı aýqymdy bastama alǵash ret qolǵa alyndy. Aldyńǵy jyly kópten kútken Astana – Almaty kúre jolyn jóndeý jumystary tolyq bitti. Men buǵan deıin Astanany elimizdiń batys aımaqtarymen baılanystyratyn múlde jańa avtokólik jolyn salýdy tapsyrdym. Qazir bul baǵytta naqty jumys júrgizilip jatyr», dedi Memleket basshysy.
Toqaev: Álemdegi asa kúrdeli ahýalǵa qaramastan, ulttyq strategııamyzdy birtindep júzege asyryp jatyrmyz
Prezıdent keń jolaqty joldarmen qatar jergilikti joldar da nazardan tys qalmaıtynyn jetkizdi.
«Sebebi mıllıondaǵan azamatymyz, sonyń ishinde aýyldaǵy aǵaıyn úshin avtokólik joly, shyn máninde, «ómir joly» sanalady. Sapaly jol bolsa, jurt turmys-tirshiligin jaqsartyp, bıznesin damyta alady. Byltyr jalpy uzyndyǵy 13 myń, onyń ishinde jergilikti mańyzy bar 3 myń shaqyrym tasjol jóndeýden ótti. Bıyl taǵy 2300 shaqyrymǵa sozylatyn jergilikti joldar jańǵyrtylady. Aldaǵy úsh jyldyń ishinde osyndaı 32 myń shaqyrym jol normatıvtik talapqa saı jóndeledi. Bul – Qazaqstannyń qurlyq shekarasynan úsh ese kóp qashyqtyq. Alaıda Úkimet jáne tıisti memlekettik mekemeler jol ınfraqurylymynyń sapasyna erekshe mán berýge tıis», dedi Prezıdent.
Memleket basshysy: Aımaqtarda majorıtarlyq, ıaǵnı bir mandatty júıe saqtalady