13 naýryz kúni Almaty qalasyndaǵy Qoǵamdyq kommýnıkasııalar ortalyǵynyń (QKO) alańynda táýelsiz baqylaýshylardyń Aqparattyq shtabynyń ekinshi brıfıngi ótedi, dep jazady Egemen.kz.
Is-sharada 15 naýryzda ótetin respýblıkalyq referendým kúni shtabtyń jumysyn uıymdastyrý máseleleri talqylanady.
Kezdesý barysynda shtab ókilderi daýys berý kúni qoǵamdy jedel aqparattandyrý jáne monıtorıng júrgizý júıesi qalaı uıymdastyrylatynyn tanystyrady. Sonymen qatar elimizdiń ártúrli qalalary men óńirlerinen tikeleı efırdegi qosylymdar josparlanyp otyr. О́ńirlerde táýelsiz baqylaýshy qyzmetin atqaratyndar qatarynda zańgerler, oqytýshylar, stýdentter, qoǵam belsendileri bar.
Jaýapkershilik alatyn kez keldi: Sarapshy jastardy referendýmǵa qatysýǵa shaqyrdy
15 naýryz kúni shtab «daýys berýdiń arnaıy kartasyn» usynýdy josparlap otyr. Iаǵnı, eldiń ártúrli aımaqtaryndaǵy saılaý ýchaskelerinen tikeleı qosylymdar uıymdastyrylady. Kórermender tek resmı málimettermen ǵana emes, sondaı-aq oqıǵa ornynan daıyndalǵan reportajdarmen, saılaýshylarmen jáne erekshe lokasııalardan jasalǵan qosylymdarmen de tanysa alady.
Brıfıng barysynda shtab ókilderi óńirlik úılestirýshilermen ózara is-qımyl, daýys berý kúnindegi jumys formaty, sondaı-aq buqaralyq aqparat quraldary men azamattardyń jańartylǵan aqparatty, tikeleı efırler men saraptamalyq materıaldardy naqty ýaqyt rejıminde qaıdan kóre alatyny týraly da aıtyp beredi.