Elordadaǵy Ortalyq saıabaqta aýqymdy jańǵyrtý jumystary bastaldy. Qala turǵyndarynyń demalys orny sanalatyn jasyl aımaq endi zaman talabyna saı jańartylyp, burynǵydan da jaıly ári kórikti bolmaq, dep jazady Egemen.kz.
Joba aıasynda 15 myń sharshy metrden astam aýmaqta qurylys jáne abattandyrý jumystary júrgiziledi. Jańǵyrtý «Qazaqstan kúni» monýmentinen bastap Esil ózeniniń jaǵalaýyna deıingi bólikti qamtıdy.
Saıabaqta qustardy tamaqtandyrǵandar jaýapkershilikke tartyla ma?
Josparǵa sáıkes, saıabaqtaǵy synǵan trotýar plıtkalary tolyqtaı aýystyrylady. Sonymen qatar oryndyqtar men basqa da shaǵyn sáýlettik nysandar jóndelip, jańartylady. Demalýshylardyń qaýipsizdigi men jaılylyǵy úshin zamanaýı jaryq shamdary ornatylyp, dekoratıvti jaryqtandyrý júıesi iske qosylady.
Injenerlik jeliler men sýburqaq kesheni de qaıta jańǵyrtylyp, saıabaq ınfraqurylymy tolyq jańarady. Bul ózgerister demalys aımaǵynyń kórkin arttyryp qana qoımaı, onyń qyzmet etý múmkindigin de keńeıtedi.
Semeıde jańa saıabaq ashyldy
Jańartý jumystarynyń mańyzdy baǵyty – jasyl jelekti kóbeıtý. Saıabaq aýmaǵyna 151-den astam aǵash jáne 7 973 kópjyldyq buta otyrǵyzý josparlanǵan. Bul kóleńkeli ári tynysh demalys ortasyn qalyptastyryp, serýendeýge qolaıly jaǵdaı jasaıdy.
Jalpy alǵanda, Ortalyq saıabaqty jańartý – elordadaǵy jasyl aımaqtardy kóbeıtip, qala turǵyndary úshin jaıly ári qaýipsiz qalalyq orta qalyptastyrýǵa baǵyttalǵan keshendi jumystyń bir bóligi.
Astana ajaryn ashatyn saıabaq